يافتـــــــى البدويهسيفك وطــــــاريه
امرجف الســـيافه
اميبـــــس البزريه
زلمه وكلف سبعين الف
لاگاهـا ملگة حــيدره
شد الهمم ســواها دم
خله السيوف امشمره
اشرس مقـاتل هذا رب افنــــــــونهه
نار العســـــاكر طلعت امــــن عيونهه
بالخيمه سمعو صوت طگ اسـنونهه
ابالفضل

طالع اجـــمل صوره
والزلم مكســـــــوره
هاشمــــــي واتقدم
ابو فاضــــــل دوره
ماينسبگ يطبگ طبگ
خيل وزلم يردم سوه
ماينـــعبر حدر المهــر
ساحگ مراجل نينوى
طم الشــــريعه بالنخــــل وارجالهه
وادم لگــــــاها اتخاف من اخيالهه
طشرها عددهه ابو فاضــــل جالهه
ابالفضل

قائد اعله القـــــاده
الخوه عنده اعباده
انخلق مـــن زينب
الله للطـــــف راده
رب الفــلق هوه الخلق
عباس من نور الخيم
صار وكبر سموه گـمر
ومگمط ابحبل الشيم
گــالت له امه هيبه ويهـــــــابونك
زينب امـــانه تشلع الهه عيـــونك
مثل العبـــايه توگف الهه امتونك
ابالفضل

سايگ الخــــــياله
هاطــــــــر العياله
يسرتك ذبـــــاحه
ويمنـــــتك چتاله
ارض وسمه وامغيــــمه
من دخن الكون ارتعد
شارب كــفو عباس اخو
ماطلگت وجابت بعد
محد يگــــــدره حسين هــــاي جنوده
حامي المخيـم والحياة ابجــــــــوده
طگ الجـماجم هـــــاي الي مشهوده
ابالفضل

ياعجيد الحـــــومه
عركتك محســومه
ريشــــــتك عراكه
والعدو حل يومه
من ترتجــل موت ويحل
والساعه تفتر بالعكس
والمالگـــوه والضيـــعوه
عباس وداه للشـــمس
اگلبهه بيـــــــهم هذا يوم العــــاشر
والعطوه خلصت يبو فاضــــل باشر
تگـــضي العساكر انته وحدك گــــادر
ابالفضل

خادم القصيده
شاكر الصيمري