كلمات لطمية بين قوسينك محمد بوجبارة
چنت اعيش احساس ضايع سيدي وگلبك لگانيو صرت بين اعضاك چلمه انسحگت بخيل المعاني
جيت ابيع اعليك عمري و اشتري بماتم ثواني
و اجمع الظرف المكاني عندك بظرفي الزماني
كل حياتي بين ايديك .. سيدي منك إليك
وين ما تنتهي الوادم يمك ارجع و ابتدي
بمبدأ الحب والغرام .. حدثت معنى الختام
من يشيلون الجنازه ايبان طيب مولدي
عبدك بعينك
بين قوسينك
عجزت الأيام تفصل
بيني وبينك
حسين يا حبيبي
حسين يا حبيبي
يا من بظلمة حياتي عشتك الشمس المضيه
وين اروحن نفسي ترجع راضيه بيك و رضيه
من حنانك لو أغيب الماتم ايدور عليه
شما أضيع بغير دنيا بخنصرك تاخذ بيديه
ولهذا عليك انوح .. حتى تبگى بجسمي روح
امن العدم يغسل وجودي يا أبو اليمه الدمع
ياللي ما مثلك عطوف ..خيبت ظن السيوف
إنته تتوزع كرامه واحنا يمك نجتمع
بعدك بعاشر
تطلب الناصر
چنت حاير صار نصرك
يهدي الحاير
حسين يا حبيبي
حسين يا حبيبي
يا من بعالم مصابك دار وجدان العوالم
ردت افهمك وآنا خادم حتى اخدمك وآنا فاهم
الصلاه مو بس مساجد خدمتك مو بس مآتم
دمعتي ياحسين تمتد خارج احدود المواسم
ما هي صيت ولا هي جاه..الخدمه تعني الاتجاه
رحلة الإنسان للحق إنته مو بس مرحله
واليحبك يا حسين .. واضح بعين الحنين
حتى لو ما زار تلگى بيه ملامح كربله
عايش اويايه
مو گلب رايه
گبل لهفة أربعينك
روحي مشايه
حسين يا حبيبي
حسين يا حبيبي
رد مع اقتباس