ـــــــــــــــــــــــــ ـــــــــــــــــــــــــ ــــ
القصيدة: ياناگه المسير
أداء:محمد باقر الخاقاني
كلمات:منتظر الجنابي
ـــــــــــــــــــــــــ ـــــــــــــــــــــــــ ــــــ
حُسين... حُسين... حُسين
ـــــــــــــــــــــــــ ـــــــــــــــــــــــــ ــــــ
يا ناگة المسير بالذكريات احير
الچانت أميرة مدللة ممشاها ممشه اسير!..
لخواني گلبي حن وياعملة الزمن!!..
بلا محمل و خيمة أنه و هم بلا چفن

وبهالموقف بچتني ذكريات راعيها عالفرات
يا ناگة لو ما حبل ادي چا ما گلتها مات
حنيت اله وبچيت يا ناگة و شتهيت
طوله اليرافگ مشيتي بالراية لو مشيت

حُسين...حُسين... حُسين
ـــــــــــــــــــــــــ ـــــــــــــــــــــــــ ــــــ
چنت من أشيلن ايد الگالي چف عضيد
من تالي يا ناگة صرت اسيرة كالعبيد!..
تاليها هالدلال يتبدل بحبال!!!..
ياناگه اشد من ميلتچ بيه زماني مال

عگب الخوة يا دمعي غربة سيل مسبية مو قليل
خدري اللذي بي چنت امس شيعته عالهزيل
المثلي اخت أمام أخلافه تضل حرام
المن اضل؟!.. وهالهزل ممشاها نيته شام

حُسين... حُسين...حُسين
ـــــــــــــــــــــــــ ـــــــــــــــــــــــــ ــــــ
يا ناگة فهمي زين عندي اخو حنين
ماكو احن منها ابد ياخوة الحسين
كاتلني شوگي ليه مريني بس عليه
خليني اودعه وداع اخت و اؤفيله حگ بچي

ماريد امشي من الخوة للضياع جرحي لخطوتي گاع
هو الوداع من الهزل هم ينحسب وداع؟؟!..
يا ناگة والعذاب الدللني على التراب
عفته ورحت مو رغبتي مجبورة عالغياب

حُسين... حُسين... حُسين
ـــــــــــــــــــــــــ ـــــــــــــــــــــــــ ــــــ