ـــــــــــــــــــــــــ ـــــــــــــــــــــــــ ــــــ
القصيدة: الأكبر و الزهراء
أداء:محمد باقر الخاقاني
كلمات:مرتضى الياسري
ـــــــــــــــــــــــــ ـــــــــــــــــــــــــ ــــــ
صرت اطوفه... بعالي نوحي
جروحي اشوفه... من جروحي... هالجمال
يبني لأبنك... ظهري محني
الصوبنك... صوبني... وطولي مال
شفته بالبر... چم جرح رد
من الأكبر... دم محمد... شفته سال
عذباني... هذا وضعه
ورجعاني... لوالدي أنعى... على الرمال

على الرمال اگبالي من ضيه انطفى... علي الأكبر
تيتمت من شفت بوجهه المصطفى... علي الأكبر
وأصرخت وي صوتك على الدنيا العفى... علي الأكبر

يمه گاعده... نعيت وبالدمع حرت
مرة والدة... بچيته ومرة أبچي بت
هذا ياجرح... جدد عليه فاجعة!!..
وانقسم الي... مرتين ابوي أودعه

علي الأكبر رداني
علي الأكبر لأحزاني
علي الأكبر ضم صبحي
علي الأكبر يا جرحي!...
ـــــــــــــــــــــــــ ـــــــــــــــــــــــــ ــــــ
جروحي ذني... على الوطية
شوفه يبني... وصد عليه... تلگه اااه
حيرة عندي... يبني عنده
أنه وحدي... وهو وحده... بنص عداه
بعمره احسب... چن شبابي
وهالحديد... بثگل بابي... التعباه
چوه گلبي... بابي من شب
وگلبه مثلي... ناره تلهب... من ظماه

رد عليك مصابي من شفته هوى... علي الأكبر
بنار بابي گلبك وبناره انچوى... علي الأكبر
مثل ضلعي جروحه ما ألهن دوا... علي الأكبر

رايح الضنا... وي جرحه كل جرح رجع
تبچي أمنه... تبچي خديجة من وگع
يبني أكبرك... طاح وكسرله چم گلب
ليلى بالخيم... صايح دعاها ينگلب

علي الأكبر ها يبني
علي الأكبر عايفني
علي الأكبر يحل ذبحي
علي الأكبر ياجرحي !...
ـــــــــــــــــــــــــ ـــــــــــــــــــــــــ ــــــ
اثمنطعشنا... أنا وابنك
من ذبلنا... عذبنك... ياعذاب
وذكرتني... ياحنيني
من شفتني... مغمضه عيني... وعمري ذاب
حاني يمي...تلث سنينك
وعلى جدمي... تبچي عينك... للمصاب
وطاح الأكبر... وانتَ جيته
غصن الأخضر... ودعيته... وبدره غاب

يبني نفس وداعي وي ابنك عشت... علي الأكبر
توسدت يم جدمي ويمه توسدت... علي الأكبر
مرة مات وانت تلاثه ويا متت... علي الأكبر

فگده والعطش... سهام وصابن الگلب
وخدك انفرش... بخده وطحتوا عالترب
فتك الحزن... على ابنك لوعه الظما
تنادي عالابن... غيثيني يمه فاطمة

لعلي الأكبر غيثيني
علي الأكبر ما ديني
علي الأكبر هد صرحي
علي الأكبر ياجرحي!...
ـــــــــــــــــــــــــ ـــــــــــــــــــــــــ ــــــ