شفتك على الرمال .. يافيّ هلي
عاري وبلا ثياب .. يابو علّي
وبكل كتر جراح .. دم اتغلّي

-

الچانن بالخيمة .. فرّن بـالهيمة
والنار تحرگ كل أثر خطوة لبِناتك
الما طلّعت مرة .. تركض متحيرة
عطشانه والهيمه صفت لـمدللاتك

نار وعطش .. يابو الاگبر
نار وعطش .. ركضة بالبر
نار وعطش .. وضعني يعثر
حُـسين

تاه الضعن .. بالمعاره
تاه الضعن .. يالغياره
تاه الضعن .. جتنه غاره
حُـسين

-

شفتك على الرمال .. يافيّ هلي
عاري وبلا ثياب .. يابو علّي
وبكل كتر جراح .. دم اتغلّي

-

غريبة زينب .... غريبة زينب

-

ودعتك وانحب .. يمدلل زينب
ماشين عنك والهزل ذبحت دلالك
ذباحك بيده .. گيدنه ابگيده
الما مرّ على الوادم گبل مرّ ابعيالك

يابوعلي .. محد النه
يابوعلي .. وين اهلنه
يابوعلي .. والكفلنه
ذبيــح

ماكو علم .. عالضعينه
ماكو علم .. يحتوينه
ماكو علم .. ياولينه
حـُسين

فوگ الهزل يروح ضعن النبي
ومحد فزع حُسين للمنّسبي
وساتر صفه التراب غطه العبي

-

غريبة زينب .... غريبة زينب

-

ياهظمة حالي .. أمشي وكل بالي
يم راسك ويم الضعن من عثرة النوّگ
طبينه الكوفه . . خويه ومچتوفه
الما طالعة منّ الخِدر مشوّهه بالسوّگ

بين الغرب .. من مشينه
بين الغرب .. اتعذبينه
بين الغرب .. ماتجينه
حُـسين

ماكو ولي .. للأميره
ماكو ولي .. ولا عشيره
ماكو ولي .. والله حيره
حُـسين

ضعنك صبح وحيد بين الملّه
لا ناصر وعمام لا اجو هلّه
محد فزع حسين خويه إله

-

غريبة زينب .... غريبة زينب

-

كلمات الشاعر | سـجاد الگريــزي
كِتابة | zahraa


-

MP3