هنا

[ღ عِشق ღ]

إنا لله وإنا إليهِ راجعون .. خرجت زينب
إنا لله وإنا إليهِ راجعون .. خرجت زينب

-

مهظومه گبالك إجيت .. خويه خويه خويه
لفراگنّه الليله بچيت .. خويه خويه خويه
للموت يالغالي نويت .. خويه خويه خويه

منيتك .. تريدك .. واشوف الحرب بيها چتال
بچيتك .. وأگلك .. حمه منين اجيبن للعيال
شسوي .. لونها .. تصيح الحرم جانه خيال

يجي وجايب النار .. يخويه ونشوف الخيم نار
جمر حدر الزغار .. يخويه وسموم الهوه الحار

-

إنا لله وإنا إليهِ راجعون .. خرجت زينب
إنا لله وإنا إليهِ راجعون .. خرجت زينب

-

يحسين قررت المصير .. خويه خويه خويه
وتعوفني بضعني احير .. خويه خويه خويه
من ترحل المن انا اصير .. خويه خويه خويه

يحرگون .. خيامي .. واشوف الحرم تطلب الماي
ينشدن .. واگلّهن .. غريبه وبعد مالي كل راي
يعطشن .. خواتك .. واصيح الضعن ماله سگاي

كفيل الضعن وين يخويه وگع والضعن وين
واجيب الاخو منين يخويه نكسر ظهري يحسين

-

إنا لله وإنا إليهِ راجعون .. خرجت زينب
إنا لله وإنا إليهِ راجعون .. خرجت زينب

-

وداعاً يبن أمي .. وداعاً يبن أمي

-


عطشان يالموتك قريب .. خويه خويه خويه
مابين هالوادم غريب .. خويه خويه خويه
لا جون يمك لا حبيب .. خويه خويه خويه

وحيد .. وغيابك .. يجيب العدو صوب الخيام
خبرهم .. وصلنه .. الك حضروا يخويه السهام
والاصعب .. والاكلف .. عشر خيل عدوك إلك ضام

ابحوفر يفزعون يخويه عساكر يفزعون
الخيامك يعبرون على الاطفال يسحگون

-

إنا لله وإنا إليهِ راجعون .. خرجت زينب
إنا لله وإنا إليهِ راجعون .. خرجت زينب

-

چتال دلالي الوداع .. خويه خويه خويه
مابينهم تسليبي شاع .. خويه خويه خويه
يترسون بضعونك الگاع .. خويه خويه خويه

خواتك .. بناتك .. عزيزات باچر شلون
شگلهه .. التگلي .. رقيه الحگيهه يـَأُم عون

المّ هايه لو هاي .. يخويه ومصيبه هلي هاي
الحرم تحچي وياي .. يخويه واظلن بلا راي

-

إنا لله وإنا إليهِ راجعون .. خرجت زينب
إنا لله وإنا إليهِ راجعون .. خرجت زينب


-


كلمات الشاعر | ابو محمد الزبيدي
كتابة | zahraa


-

MP3