صباح الخير ..
البارحه ظهري يوجعني يچفيكم الشر ..
وگالولي روح الوحده عارفه تسحگ ظهرك ..
المهم ، دَلوني ابوحده ورحت عليها ..
وصلت ودَگيت الباب ، طلعلي طفل ازغير بالعمر ..
گتله عمو ، منو بيكم يعرف يسحگ الظهر ؟ اني ظهري يوجعني واجيت عليكم ، گال اي عمو اختِ تعرف تسحگ الظهر ، گتله هيّ موجوده بالبيت ؟ گال اي موجوده ، گتله گللها واحد جاي علينه ويريدچ اتسحگين ظهره ، طب الطفل للبيت ، وره اشويه اجت البنت ، گالتلي اتفضل ،؟گتلها هيچ وهيچ السالفه ، گالتلي طب بالأستقبال واني هسه اجيك ، گول طبيت للأستقبال ، ثواني ورجعت واجه الطفل اوياها للإستقبال ، گالتلي نام على بطنك ، اني هم نفذت ونمت على بطني ، اجت تسحگلي ، وقبل لاتسحگ گالتلي ماراح اسحگ حيل ، لأن انت ضعيف واخاف ايطگ ظهرك ، گتلها يمعوده ، مالچ علاقه ، اسحگي حيل ، بس كون الألم ايروح من ظهري ،المهم ، رفست ابظهري حيل ، واني گبل صحت عااااااا ،
هيّ رأساً گالت ، الله عليك انت عضو بالدُرر ؟ ، گتلها يادُرر ؟ گالت دُرر العراق ، واتصور ، انت حيدر عراق ، گتلها لعد انتِ اشگد ذَكيه ،
نعم صحيح اني عضو في دُرر العراق ، واسمي حيدر عراق ، بس ماعرفت انتِ هم عضوه بالدُرر ؟ گالت اي ، گتلها منو ؟ گالت مااگول ، بس اني راح اوديلك همسه ، وراح تعرفني منو اني ، المهم انطيتها افلوس ماقبلت تاخذ ، گالت مو عيب اخذ افلوس ؟ لاتسولف هاي السالفه ، هسه اني متاني همسه ،
واريد اعرف منو هاي العارفه ، وبلكي الله اتصير القسمه ،
مُلاحظه / البنت نسخه من الگمر , ادعولي كون اتعرف عليها ، وتصير القسمه .. ( ياول قسمه ) ..
24/8/2024
رد مع اقتباس
المشاركة الأصلية كتبت بواسطة زاهــــد
