هنا

[أنثى حائرة]

مرحبا بنات حبيت افضفضلكم لان ݛوحِـي طالعه
اني مخطوبه لشخص عنده منصب بالدولة واله كلمته خطوبتي منه بعدها مكامله يعني بفرحه الزهره يصير عقد السيد وداحجي ويا بعلم اهلي بس امي ربتلي عله شكبرها تطفي النت ب1 بحيث اضطر اجمع فلس ؏ فلس اجيب رصيد علمود اسوي واحجي ويا لان استحي اكله تطفي ب1 هسه يكول شعدكم وليش تطفي اصلا لو مثلا من تشوف السماعه باذني تجي ترزل وتغلط بحجه القرايه مع العلم اني مو صغيره عمري 21 سنه بالكلية نفسيتي تـعـبـت شسوي ماعرف

[تاليا♪]

ولو احساسي يكول انه انتو علاقة مو خطوبة لانه لو خطوبة فعلية مجان طفت النت عليج وهم حقها الوالدة تخاف عليج لانه ماكو شي رسمي لحد الان وبالإضافة إلى انه والدتج حريصة على مستقبلج يعني واذا انتِ بالكلية ؟! وخليها بالج انه كلما تواصلتوا اكثر كلما كشفتوا سلبيات بعض من وقت وبعدين ماراح تكدرون تتقبلون بعض وحيصير ملل بينكم فعادي اهتمي بنومج وب١ طفي النت ونامي
وخلي ابالج انه ماكو احرص من الاب والام على أولادهم ومستقبلهم اكيد امج شايفة اكو خطأ بالموضوع وتتصرف معك بهذه الطريقة
انظري للأمور من الناحية الإيجابية
مودتي

[وَتِــيـن ﮩ]

مبينة مارايدتة ومتحبة
هاي الام من متحب النسيب هيج تصير

جاريها انتِ وسوي ع متريد ماطول بعدها مو رسمي
تلحگون تسولفون ليل ونهار

[عصير]

مرحبا بنات حبيت افضفضلكم لان ݛوحِـي طالعه
اني مخطوبه لشخص عنده منصب بالدولة واله كلمته خطوبتي منه بعدها مكامله يعني بفرحه الزهره يصير عقد السيد وداحجي ويا بعلم اهلي بس امي ربتلي عله شكبرها تطفي النت ب1 بحيث اضطر اجمع فلس ؏ فلس اجيب رصيد علمود اسوي واحجي ويا لان استحي اكله تطفي ب1 هسه يكول شعدكم وليش تطفي اصلا لو مثلا من تشوف السماعه باذني تجي ترزل وتغلط بحجه القرايه مع العلم اني مو صغيره عمري 21 سنه بالكلية نفسيتي تـعـبـت شسوي ماعرف

يعني شنو واذا يطفى النت ب 1
اصلا حتكبرين بعينه لانو اهلج يفكرون بنومتكم على وقت
وهاي قوانين بيتكم ولازم يحترمه
مو تكسرين القوانين عالموده
اذا من هسه خايفه ابشرج راح تعيشين حياتج كله خوف
من هسه وضحي كلشي وحطي الأمور بمكانه

وبعدين حبيبتي اكو ام ما ترزل بته بسبب الدراسه أو حتى بدون سبب
مو بس بنته حتى ابنه
يعني هذا الشئ شائع بالعراق مو انتي حاله خاصه ،
ومو فد شي غريب يعني اذا يعرفه حيتفاجأ ، ترى نفس الشي يصير لاخته بالبيت
ويجوز حتى هو يقفل النت ب 1 على اهله
أخاف ما تدرين الشبيه يجذب شبيهه

[Suzana]

شگد احب هيج امهات حريصات على راسي والله
لتضوجين حبيبتي ونامي من وكت وهو هم خل ينام بوكت شعنده سهران ويگضي وكت براسج ويسولف سوالف بلا معنى ..النوم صحة للبدن..
باچر عگبه تصيرين عنده وفنه يبقى وياج لل12

[Suzana]

كون الگى امج الا ابوسها من راسها

[NAZ‌]

كون الگى امج الا ابوسها من راسها

++‌

[NAZ‌]

كل ما تكبرين راح تتيقنين كل اللي يكولوه اهلج لمصلحتج..

[عبير الياسمين]

لان استحي اكله تطفي ب1

ليش عود تستحين تقوليلي تطفي بالوحدة هذا امر عادي جدا ,تأكدي هو ما يقبل اخته تحجي ويا احد بنصاص الليالي ,ترى انتي كلما بينتي الة انك تسمعين كلام اهلك وتحترميهم راح تكبرين بعينة اكثر ,تحياتي

[Haidar Iraq]

گلي لأمچ حيدر ايسلم عليچ ..
ويگول اگطعي النت ، الساعه تسعه ..
وياريت تنطيني رقم الوالده ..
علمود اگلها بنتچ تجمع الفلس على الفلس ..
وتفعل االإنترنت ، وتسولف من وراچ ..
وانتِ نايمه ورجليچ بالشمس ..
هاااا اشلوني ؟ خو ماقصرت اوياچ ؟