المشاركة الأصلية كتبت بواسطة فقار الكرخي
السلام عليكم
وعظم الله اجوركم بمناسبة اربعينية
الامام الحسين عليه السلام .
حبيت احجيلكم عن ذهابي الى كربلاء
مشيا على الاقدام والزيارة
والدعاء لجميع الاعضاء هناك بين الحرمين .
طلعنه اني وياية ولد ٣
ساعة ٦ العصر وتوكلنا من سنتر مدينة بغداد الكرخ
جريناها مشي بدون استراحة لحد الساعة ١٢ بليل
عدا نوكف نشرب جاي او اكلات خفيفة
وصلنه المحمودية الساعة ١٢ . دخلنا موكب
سبحنا وبدلنا ملابسنا وكعدنه لل٣ وطلعنه كملنا المشي
لساعة ب ٧ الصبح وصلنه السجة مال قطار قبل الاسكندرية
تريكنا وكعدنه نص ساعة وكملنا مشي
وصلنا الاسكندرية يم الدلة ساعة ١٠
والدنية حارة كامت تشوي
جانت اكو سيارات واكفة يجلبون بالزوار
ياخذوهم للبيت يرتاحون
رحنه وياهم عدهم حسينية كعدنه بيها تبريد وخدمة كلش حلوة
غسلو ملابسنا وعدهم مدلكجية
تمددت عالتبريد
وبدة جسمي كلة يوجعني
ضلينه للعصر يمهم
صارت ساعة٦ وكالو اصدقائي يالا خل نتوكل
اريد احرك نفسي ماكو
بلعت حباية مال تشنجات مفادت
ردت حاولت عالجت ماكدرت اكمل مشي
ولد صديقي هم نفس حالتي
كتلهم نرجع للبيت وباجر نجي لهنا بالسيارة ونكمل
اقتنعو بس واحد كال لا شيجيبني
المهم رجعنه كلنا للبيت بالسيارة البغداد
ثاني يوم ب٦ العصر ركبنا للمكان الرجعنه منه
وكملنا مشي لحد عون
ونمنا وكعدنا الصبح مشينه وصلنه الامامين وزرنا وجبنا حبشكلات
ودعيتلكم هناك وركبنا سيارة ورجعنا
رجعنه البارحة المغرب طبعا متفلش
ورجلي مبطبطه
وتشنجات كل جسمي حتى خشمي متشنج
الجو حار يسمط
واول مرة بحياتي اسيطر على عيوني ما زاغت منا منا
وجريتها بنومة من المغرب البارحة هسة كعدت
يمكن شربت مي ٢٠٠ كلاص
و٦ قواري جاي
وزنت قبل ما اروح وبعد ما رجعت
نازل كيلوين وشوية
سائلا الله ان يوفقنا لما يرضيه
تفاصيل زيارتي الى كربلاء في الزيارة الاربعينية
رد مع اقتباس
