هنا

[ღ عِشق ღ]

سجلّ اصوات العشاگ .. مايمنع حر الصيف
تسرع خطوات المشتاگ .. مايمنع حر الصيف
فوگ الأخطار .. امشي
لو دربك نار .. امشي

-
١
هو فرض ونويته
سالت دمعة العين .. واسمع صوت الحسين .. هلا هلا
اومي الك انه .. صار انتظر سنه .. يامشاي

اهلاً .. بالإجو مشايه
اهلاً .. باليشيل الرايه
حياك ما ناسيني..حياك ماناسيني

ماشي والشمس لهابه
ماشي والتعب متهابه
بضماك تذكر چبدي .. بضماك تذكر چبدي

تتذكرني وتبقه اتنوح .. من توصل يم الماي
تذكر عبدالله المذبوح .. من توصل يم الماي

يرخص لحسين كلشي .. لو دربك نار امشي

-
٢
اني والحر تحدي
وادري بخطوتي هاي .. چَني جايب الماي .. ضمه ضمه
واني جايب نبع .. چني صاير درع .. للعباس

جيتي .. لليكرهه صفعه
جيتي .. يعتبرهه فزعه
ويگول يموافيني .. ويگول يموافيني

والله لو زحف اوصله
والله لو تهت اندله
ملهوف اركض وامشي .. ملهوف اركض وامشي

لو ما اوصل مامعذور . شيعي وطبعي المعروف
ما اتعبّ لو امشي شهور .. وشيعي وطبعي المعروف

لمن ينشال نعشي .. لو دربك نار امشي

-
٣
هذا دربي المشيته
مثلي ينتظر چان .. هوَ لجدمي عطشان .. وانا وانا
ودعت ورحلت .. لاهلي ما التفت .. بس لحسين

ماشي .. للاعز من ولدي
ماشي .. هوَ كلشي عندي
عطشان ومتانيني .. عطشان ومتانيني

ادري خطوتي محسوبة
ادري بالسجل مكتوبة
محسوب كلشي بدربه .. محسوب كلشي بدربه

امشي وثار النار تزيد .. والعن من سد الماي
والعن بن جوشن ويزيد . . والعن من سد الماي

وي دمعي ايطيح رمشي .. لو دربك نار امشي

-
٤
والمشاي وياي احسبه
ابن امي ومشه وياي .. شاري واني شراي .. بعد بعد
حرمة لو صادفت .. هيه أم لو أخت .. عندي تصير

افخر .. بالمشت مستوره
افخر .. ماتشوه الصوره
اجرين تاخذ هيه .. اجرين تاخذ هيه

زينب .. والشرف من ترضه
زينب .. لا يروح ابـ لحظه
اجرين بالشيعيه .. اجرين بالشيعيه

لو عن اخوانك صديت .. يزعل راعي النوماس
لو بس تمشي وماصليت .. يزعل راعي النوماس

ثابت سباح هرشي .. لو دربك نار امشي

-
٥
للزياره ضوابط
ناس اتسلط اضواء .. بس اتدور اخطاء .. عدو عدو
بس يدور الخلل .. صور بلا خجل .. للاعداء

لازم .. ما اشوه ديني
لازم .. واخجل من حسيني
ما گول مايعنيني .. ماگول مايعنيني

واعي .. من خطط عدواني
واعي .. مو سهل تلگاني
بسهام مصيبوني .. بسهام مصيبوني

لا فرصة ولا لزمه انطيت .. واعرف ينظر مولاي
بوعيي وآدابي تعنيت . . واعرف ينظر مولاي

وعلى الجلمود نقشي .. لو دربك نار امشي

-
٦
من اريد استراحه
اذكر سبيّ العيال . . والطم وجهي بالحال .. سبي سبي
الهج بخطوتي . واكتب بدمعتي .. واويلاه

واذكر .. زينب المسبيه
واذكر .. من تصيح ارقيه
والسوط يوجر بيها .. والسوط يوجر بيها

اعجب .. عالضحك وتهزه
اعجب .. عالحزن ماهزه
افعال ماترضيني .. افعال ماترضيني

لا ما اشكي من الآلام .. من امشي بدرب حسين
واتشكر من الخدام .. من امشي بدرب حسين

چن طير وطاح عشي .. لو دربك نار امشي

-

كلمات الشاعر | السيد عبد الخالق المحنة
تدوين | zhra alobidi


-

MP3