أجمل ليالي وايام
مو من عمرنه * رُفعة قدرنه * موضع فخرنه
الخدمة الحسينيه * بلأربعينيه
.................................................. ........
عشرين يوم بكل سنه ماي الوجه بيهن
يعقوب ويتاني بشغف يوسف نتانيهن
نص المواكب مو خيم حته احنه نبنيهن
صارت قصور اعله الدرب من خير راعيهن
واحد (صُفَر) هلحزام
چفّيه سوده * وعيونه جوده * واحدنه زوده
زود الأخذ ميه * بلأربعينيه
.................................................
منّ الصبح للمغرب الخادم فرد وگفه
من يعطش الزاير ركُض واحدنه يتحفّه
(هاجر) قياساً بلخَدم رگظه بلا لهفه
يُحرم تبوس الچف لچن زاير نحب چفّه
تراب التسحگه زوار
ننطي دروسه* لا ما ندوسه * ننزل نبوسه
خدمتنه فطريّه * بلأربعينيه
.................................................. ......
واحدنه كل مغرب تظلّ عياله تانيته
لو ماأخذ زوار ابد مايدخل البيته
يادمعة ام بيته التصب ودموع ذريته
ب(فقه النسه) بيت وبلا زاير نزل صيته
ماعدنه أحنه نسوان
مو حيدريه* مو فاطميه * مو زينبيه
كل حرمه مسبيه * بلأربعينيه
.................................................. ..
أجمل قصائد بلدرب مفتوحه للزاير
(جابر يجابر مادريت بكربله شصاير)
لو (جينه ننشد كربله) الكاتبهه چف (زاير)
هذا متاع اذنه اليريد لكربلا يسافر
والتترس أذنه (أيام)
يعيش المصييه *جثه سليبه *وزينب غريبه
شمحله التراثيه * بلأربعينيه
.................................................. ........
هلرحمه بس عدنه اصبحت والغير ماعنده
كبرت علاقات الخدم مده بعد مده
بهذا الدرب صارت عوائل عائله وحده
نشوف الطفل ثاني سنه بدرب المشي (ورده)
(إنا جعلنا) هلناس
(شعوب وقبائل) *هوه الله گايل * صارت عوائل
رازقهه ذريّه * بلأربعينيه
.................................................. .......
زينب قبل لاتوصل إحنه نوصل بهمّه
زايرهه ومعزبهه بلطف كلهه ملتمه
يسقط وقار الشيعي كون مخظب بدمّه
من تشمر الحره نفسهه فوگ ابو اليمه
يجرحنه مشهد النوگ
ننزف مشاعر * تيبس حناجر * يعين الله جابر
حس بيهه مرميه * بلأربعينيه
.................................................. ...
كلمات الشاعر عباس الموّاشي
-
MP3
رد مع اقتباس
المشاركة الأصلية كتبت بواسطة ســـــجـــــودي ﹩ʝ☹
