كلمات لطمية انت حلال المشاكل محمد بوجبارة

زينب ابدرب السبي وشلونها؟ياعلي ياعلي
ماغفت فوگ الهزيلة عيونها
ياعلي ياعلي

شافت أمها اعصروها و تنسطر
و شافتك يابوها راسك منطبر
والحسن مسموم وچبده منتثر
وحدى الحادى الكربلا بظعونها
ياعلي ياعلي

چانت ابظل الكفيل امعززة
نصب خيمتها و يسوي المعجزة
تالي يمها انحور أهلها امحززة
وياعجب بنتك علي ايسلبونها
ياعلي ياعلي

إنت حلال المشاكل من تضيج
وإنت مايبعد عن احصانك طريح
إنت حكم النار بيدك و الحريج
وخيم بنتك يالوصي ايحرگونها
ياعلي ياعلي

شلون ترضى على التل الزينبي
تصعد و جرها وضربها الأجنبي
امگيدة بالسلسلة بدرب السبي
و عالهزيلة يجري دم امتونها
ياعلي ياعلي

يا غياث اليستغيثك بالكرب
وكوفتك دخلتها بنتك بالطرب
الناس تتصدق عليها يا عجب
وصاروا ابكل سخرية ايشتمونها
ياعلي ياعلي

و عن دخول الشام وينك يالغيور؟؟
فرجة صارت في سككهم والقصور
و دخلولها على شراب الخمور
و بالحبال القاسية ايجرونها
ياعلي ياعلي

بالخرابة گعدوها عالتراب
وراس أخوها بالطشت يروي العذاب
و ماتت الطفلة رقية و المصاب
الغاسلة أزرگ تشاهد لونها
ياعلي ياعلي

اعلوم عنها يبو الحملة وصلتك
زينبك رادت تشيع طفلتك
ماكفاها حيروها بعيلتك
إحضر إلها لا تخيب اظنونها
ياعلي ياعلي