گالولي الضعن والسادة .. جابوهم سبي
وانا بكل سنة اعله العادة .. جاهز موكبي
فوگ الچادر راية .. رفت للمشاية
-
گالوا اجهز وافرش الورد .. وانا للمشاية مستعد .. گلبي يكشف كلشي عن بُعد
حسيت بضعن الغيرة .. عنبر واجتاح الديرة
حزمتني حچاية الهلا .. يامراحب بأحلا قافله .. كربله تلگيهه كربله
زينب خلصت سفرتهه .. ورجعت وي روس اخوتهه
ردت بالضعن منتصرة .. بلا سيف وفرس
چانت قائدة بهل سفرة .. وعباس الحرس
روس اخوتهه اهواية .. رفت للمشاية
-
يمه زينب هذا واجبي .. تعبتكم رحلة السبي .. تفضلوا يمي بهذا موكبي
صح مو گدكم بعيوني .. بس اتمنى اتشرفوني
عندي ماي لكل نحر خشب . . عندي فيّ لكل طفل تعب .. قُربةً للرأس النسلب
كافي اتظلون ابهيمه .. شرفوني بهاي الخيمه
خيمة ابكل سنة امنصبتها .. لمشاية صفر
وانا بظلّ علي امعصبتها .. حتى اتظلّ فخر
خيمة زينب هاية .. رفت للمشاية
-
يـ الإجيتو بـهودج وهزل .. الله عوض كلشي عن قبل .. سوه وادم موقف وفعل
ناس اتواسي العلويه .. ماتكفيهه احصائيه
عوضلكم مدة اليسر .. والمواكب صارت اشكثر .. امتداد لراية النصر
خله بكل موكب راية .. لإستقبال المشاية
من اقصى الأرض فزعولچ .. وادّم بيها حظ
مابين الإجه بعوّچيته .. ومابين الركض
وگلوب الوفاية .. رفت للمشاية
-
ذاكهَ شايب يمشيّ منحني .. فطرة عنده وبالعشگ غنيّ .. حيله بإسم الزهره منبنيّ
شفت السجاد ابذاته .. گام يسنده بعصاته
ذيچه حُرمْه اچبيره بالاسم .. بس عزمهه ينافس الزلم .. صاحتلهه الحُرة والنعم
عفيه اتگلچ حجيه .. هاي الفزعة المرجيه
وادم ما إجت للراحه .. ولا رادت أجر
كلهم هوسوا بالساحه .. تحيـا أُم الخدر
راية تحشم راية .. رفت للمشاية
-
هذا درب الوحد الشعب .. يمه تهوى السُلطة والرتب . كلهه نفس الخدمه والتعب
ذاكه السُلطان اليرهب .. تلگا خادم بالموكب
ماتفيد الهيبة والشكل .. تلگه شاب املزم ابكهل .. تلگه شيخ ايعزب ابطفل
تلگه السيد متحزم .. حافي وبالموكب يخدم
مابينه البُطه اعله الخدمة .. ولا مرنه الكسل
عدنه الحنضل ابـهـالنعمة .. أحلا من العسل
وصار حسين الغاية .. رفت للمشاية
-
كلمات الشاعر | أمان شهيد المُرشدي
كتابة | zahra alobaidi
MP3
رد مع اقتباس
المشاركة الأصلية كتبت بواسطة sawsanmahmoud
