هنا

[ارجع يازمان]

كسر ماعون العزيمه!!
:::
هذا حالي
ابصفنتي امصفن الليالي
مايخلن صبح يطلع
وأنه أكول الله كريم.
دمعي وشل والطرف بس بي يتامه!
ياهو الطلب دمعه منه ,, جن كلامي ما يهمه!
فات من يمي يتيم
امجوم ادموعه اعله خده وناطر امه
عود تكعد من قبرها
وتمسح ادموعه وتشمه!
هيه
قسمه! وهذا حالي.
,
وشفت جاهل باليتامه!
جابلي يوم القيامه!!
ما حجه بس اسمع انه ,, ابكلبه صرخات الهضيمه@@
عزموا الناس ابطرفهم!
وهو عزموه اويه ضيمه!
وامه ما طرت قبرها !!!
خاطر اتخليله قيمه!!!
بعده
ما كبران لكن..
صاير استاذ الحريمه!
وجان يحزر ويه روحه ,, الليله يغفه ابيا شتيمه!!
وصدفه واكبال
المترحم!
كسر ما عون العزيمه!!
ابهيجي حاله
اشتعتقد شنهي الجراله!
مرت ابوه
كضت اذياله!
ابصليه غمات ,,, ورزاله!
وما أكل من العزيمه ,, جان شابع بالمغمه!
وهيه قسمه!
‘,
العتاب ابطرف عيني تغرك امن اعتب عليك!!
خاف أهد الدمعه هسه ,, وروجه يم بيتك تجيك!
كل سلفكم راح أغركه ,, بالبحر من اعتنيك!!
يعرفون السبب منك ! وكلها راحت تحجي بيك!!
ومن تصير الشمس ظلمه
البحر فنك تضمه!
واذا الصدفه اوياك قسمه
الله ليلاكيني بيك!
الله ليلاكيني بيك!!
حسين االساعدي

[ســـــجـــــودي ﹩ʝ☹]

مبدع استاذ حسين

[ارجع يازمان]

مبدع استاذ حسين

حضورك اجمل دمت بخير