كلمات قصيدة الموت الاحمر محمد الجنامي
كلمات لطمية الموت الاحمر محمد الجنامي
نزل جيش أسد يقوده هوه الموت وصل قبل
يشوفوه علي و جنوده وهو چان أبا الفضل
ولا عجب من هاي
أبو الكفاله اهواي
اجه الموت الأحمر
هذا عسكر قاده حيدر من ضياغم ضاريات
هذا حمزه ذاك الإشتر صوته يزئر عالطغاة
والحقيقه هوه واحد حامي زينب عالفرات
گصد صوب النهر
عينه ترصد صوته يرعد سيفه يحصد بالرگاب
غيره ينبض چفه يقبض طبعه يركض عالصعاب
ماكو راحه و استراحه هوه قادم للحساب
بعد أين المفر
سرفن ردنه و منهو اليدنه مغضب نازل موت أحمر
مد إذراعه و مالت گاعه هاي الساعه چن محشر
حتى الماي اتغير لونه ظل ما يجري و يتعذر
بلا صوت فقط كلامه إجه الموت بلا نفس
بدت روس تذل أمامه صفه الماي بلا حرس
شنو الجره يا ماي
ابو الكفاله اهواي
اجه الموت الأحمر
هوه رايه و بيده رايه عنده رايه بالقتال
سيفه شاعر عالمناحر والقصايد إرتجال
بالأخوه والمروه هوه هوه ابلا جدال
وهو سيد الحرب
طلعت اخته امن المخيم بيها دمعة إنتظار
أشرتله يالله حيهم ها خو زينب گلها صار
هيه حمله و ماكو مهله لنها ظلمه ابلا نهار
حده و سد الدرب
زينب شافت فعله و صاحت إرجع روحي اشتاگتلك
إحذر منهم ليغدرونك و ايوگعونك حذرتك
گال أفنيهم ما خليهم صاحت تگدر بعد اختك
والرماح طواها بيده للسهام كشف صدر
والبعيد سهل يصيده يصايود نظر صگر
إجه ابغضب ما جاي
أبو الكفاله اهواي
اجه الموت الأحمر
ناده وينك يبن جوشن جيش أميه كله وين
خل إلوفك كلها تلتم يعني بلكي تملي عين
انتو صيحو يا اميه و آنه أصيحن ياحسين
و انه راعي اللوه
هوه واحد چنه دوله إمبراطور الزمان
عنده إخته كعبه تمشي والنظرها موته حان
هوه ابنها هوه اخوها هوه خيمه للأمان
أعز من الهوه
لو مد الچف يهتز الطف و اتدوس الروس اجدامه
سيل و جارف صرصر عاصف منهو اليثبت گدامه
ما يتحدد مهما أبعد چفينه اتلوح اخيامه
ترك عين عله العساكر بقت عين عله الخيم
طفح زود طفح مشاعر عله الصوت يرد سهم
نقي و تقي و وفاي
أبو الكفاله اهواي
اجه الموت الأحمر
لا ميتعب چفه يلهب غيمه تمطر بس شرار
صدره فارس ظهره حارس سيفه دارس ذو الفقار
هذا عين الزهره صاحوا دمه حار و عنده ثار
لجل كسر الضلع
هذا واحد هذا ساعد هذا قائد جيش أخوه
هذا أخنس هذا بيهس والعرندس و ابن أبوه
من يمنعه من يردعه إرمو جوده و حيروه
صعب ما ينمنع
شطرة حيدر ما تتغير بالنص يشطر عباسه
منهو ايكسره اليرضي الزهره ابراس الغيم ايدگ راسه
من يگدرله و من يوصل له غيره و عاشت بانفاسه
ضوه حسين ضوه العقيله ضوه الكون ولا عجب
بالحروب إله الثگيله اذا صال يصب غضب
إذا صفينه ابراي
أبو الكفاله اهواي
اجه الموت الأحمر
هوه وحده كلشي ضده راح أوضح بالدليل
عسكر المي عسكر الحر جيش اميه والنخيل
هذا يرمي و ذاكه يحمي و هوه ثابت ما يميل
ولا مهتم أبد
يملي جوده و اعله كيفه صدره يلهب ما طفاه
شافه بالمي وجه أخيه و استحه منه و رماه
ما تروه والإخوه حگها لو ماتت وراه
ولا خوه بعد
كل البرزوا قبل الكافل رادوا رخصه و ينطيهم
بس الكافل ما گله ابرز لو گله ابرز يفنيهم
گله اعيالي ياخي عطشوا جيب الماي و إرويهم
والحسين إذا يرخصه تظل خيل بلا زلم
أمر چان ولاكو فرصه وعد حان بده الحسم
فزع وگع شراي
أبو الكفاله اهواي
اجه الموت الأحمر
رد مع اقتباس
