دخيلك سيدي .. يـ أُمي ووالدي
حسين وخدمتك .. حياتي ومولدي
-
انا دونك ما اصيرن .. مالي قيمة ولا اسم
انتَ نور عيوني انتَ .. والأهـم من المُهم
اشما اضيع الگاك يمي .. حتى بأوقات الحلم
اقسم اعليك بـرقية .. ايدي بيدك ياشهم
حظن دافي .. گَلب صافي
أحس ايدك .. على چتافي
يـَبعد عيوني ذَنّ .. الـ على مصابك بچن
يَـغالي وحضرتك .. الي ديرة ووطن
-
حسين يابخت الطوايف .. ياملوحة كل حچي
انتَ ياراحة گلبنه .. حتى بأوقات البچي
العنده مثلك گلبهَ بارد .. ولو مثلك مايجي
نـخـلي بيدك كل عُمرنه .. وعلى دموعك ننتچي
حِزن ينْحب .. يالـمجـرب
يهل حاضر .. عطايا الرب
أعز من الضنه .. الربيع وموطنه
تفرقنه الشهور .. وتلمنه بكل سنه
-
راسي مرفوع ابخدمتك .. گلبي لحروفك يدگ
كربلائي بكل وجودي .. وحضرة حسين العشگ
مولدي بشوفةّ ضريحك .. يم الجروح الصدگ
ياهوىٰ الله الـمـالي غيرك .. بس أعوفك اختنگ
وطن غالي . يدلالي
انا بدونك .. بشر بالي
شَگلّك وانتَ ضيّ .. ذبيح ولسه حيّ
يعطاي الـمُـراد .. إِلك رافع إِديَّ
-
مالي غير الله ورحمته .. اشما تمر بيه الشِدد
وبعد عندي حسين حامي .. بـساعة الماكو أحدّ
گبل لا أدخل ضريحك .. أسمع اشعندك بعدّ
تخلص ابـابك حَـبيبي .. يـ الي تنطي ابلايه حدّ
صدگ جَنه .. شَـوصفنه
ابو الكلفه .. ونِعم منه
حبيبي وكافلي .. ابن حيدر علي
يعنوان العراق .. ولي من الولي
-
كلمات الشاعر | رعد الفريجي
كتابة | zahraa
-
MP3
تحميل // إستماع
رد مع اقتباس
المشاركة الأصلية كتبت بواسطة دُعےـــآء
