هنا

[رمـْـْْـْــــــــآڊ]

زين سؤال انتي مو مسلمة تكدرين تجبرين المسلمات الي يداومن بالوظيفة يلتزمن بالحجاب والستر؟
اكيد لا اذن التربية مو مقياس الانجراف بالدنيا وملذاتها
يخلي البنية العقلها صغير تتبع رغباتها بالتزين للاجنبي
تعالي طبقي مذهب جعفر الصادق ع
باجر روحي لاقرب دائرة وكوليلهن ميصير انتن شيعيات ولبسجن مخالف مو عندج مبدأ الامر بالمعروف يلا شوفينه

[رمـْـْْـْــــــــآڊ]

النساء من يوصل الامر لتطبيق الشريعة بزواج الرجل تنتفض بس من تكلها هل الامور مخالفة لا تصير مفسرة للدين الحنيف

[أبو ملاك]

أعتقد هي مسألة قناعة وتقبل للوضع..
يعني الرجل ما مجبور يتزوج موظفة..
وإذا راد موظفة فلازم يتحمل غيابها وتقصيرها النسبي..
بواجبات البيت والأطفال ولازم يشاركها بعمل البيت ولو بالمقدور عليه..
ويكون عون وسند إلها..
مو ياخذ راتبها ويريد البيت ٢٤ حباية وتقري الأطفال وتربيهم
هاي يسموها استغلال..
وزواج فاشل..

آني عن نفسي من البداية ما اقتنعت أتزوج موظفة..
والحمد لله زواجي مستقر..

[Suzana]

اكلج شكد اخلي حليب بالممية شكم خاشوكة
اوكف خلي اكمل شغل واخابرك
اكلج زوجتي العزيزة وين مخلية الحفاضات
اكلج الوسطاني تلف ملابسة ابدلهم اله
يلا حبي وراح احظرلج الغدة لحد ما تجين

لا تره دااحجي ع الحضانه من تكون عند الاب وفق القانون الجديد شلون راح يدبرها؟
الأب :"بنتي عمرها 8 أشهر اگدر اروح اخذها"

عمرها 8 اشهر ويريد ياخذها من امها
شلون راح يتعامل ويه احتياجات الطفلة ؟
اتمنى اعرف

الاغلبيه يدورون راحة براسها يريد يتعامل مثل "الطفل المدلل"كل الامور تصل اله بلا ميكون اله اي مشاركة بالبيت لانه متعلم ببيت اهله على هالشيء وبنفس الوقت يريد يحس انه رجل حقيقي
والمگروده هنا تشتغل خارج البيت وداخله فوق طاقتها في سبيل ترضيه وتحقق كل رغباته وطبعا هو يعتقد انه راتبها جاي بدون تعب بس تروح للدوام تتونس وترجع للبيت وكون ماتهتم بهندامها ماتصرف على روحها، تروح مبهذله للدوام وترجع..

اني ادري اغلب الموظفات ممقصرات ويه البيت والاولاد حتى بمتابعتهم بالمدارس
الموظفة تجي تسأل عن مستوى ابنها وتكون حريصه عليه ،الموظفه راتبها تنفقه على اسرتها و بيتها ،،بس هو يريد يشكى ويفرض نفسه عود انه قضية دوامها من عدمه بايده ويعني هو متاذي من دوامها ومتعوب ، اعتقد عنده غيره منها لكونها موفقه بين دوامها وبيتها فيبدي يصنع المشاكل وللانصاف البعض مو الكل،اهوايه ازواج مستقرين ومتفاهمين .
..
باختصار اللي يريد موظفه خل يشاركها بعمل البيت وتربية الاطفال ولايظل يشكى لهذا وذاك ومايبقي اي خصوصية لعائلته واللي يريد ربة بيت خل يتكفل بمصاريف البيت وهم يشاركها بتربية الاطفال..
تره المرأه مو كائن حديدي مايتعب هم يحتاجلها اهتمام ورعاية وصيانة حتى تظل شاعلتلك العشرة شمع..

[Hani Yaqoub]

الأب :"بنتي عمرها 8 أشهر اگدر اروح اخذها"

عمرها 8 اشهر ويريد ياخذها من امها
شلون راح يتعامل ويه احتياجات الطفلة ؟
اتمنى اعرف

الى عمر سنتين تكون عند الام الحضانة

[Suzana]

الى عمر سنتين تكون عند الام الحضانة

جيد بعد السنتين يگدر يدبر اموره..

[Hani Yaqoub]

راح احجيلكم تجربتي
اكو سلبيات واكو ايجابيات

اكو تقصير من جهة الام اتجاه الاطفال وهنا يجي دوري
انا ماعندي مشكلة بتغسيلهم او اكلهم او الاهتمام بيهم يعني هل الشي طبيعي جدا لكن المشكلة ،انا مرات راجع تعبان من الشغل ولازم ابقى اهتم بيهم هنا اكفر

طبعا جزء جبير من التقصير اتجاه الطفل راح تعوضه والدتي لان يبقون يمها اذا ثنينه بالشغل

الايجابيات
مجرد المرة تروح للشغل وتتعب راح تفرغ طاقتها السلبية و هل الشي فد راحة بال مو طبيعية
يعني الفترات الي كانت زوجتي بس بالبيت تكون عدها الاعصاب فول و تجيب مواضيع من جوه الكاع بينما من تروح للشغل لا ترجع تعبانه فمالها خلك النقاشات والتفاصيل العضروطية
ثانيا جزء جبير من مصاريفها هي تتحملهن هل الشي يخفف الى حدا ما او ما يخفف رادلها ورقة وقلم لان بس فلوس البانزين بذاك الاحساب بعد ارتفاع المحسن هههه
بس يشهد الله هي ما تقصر تعزمني على احاسبها كل سنة او سنتين
مع العلم انا لحد هسه ماعرف شكد راتبها ولا طلبت منها يوم ان تنطيني ، اكلها بس كفيني مصاريفج ولان بالحقيقة انا احب اطلب ملايين شسوي بالمية والميتين هههه

احتاجيت بشراء قطعة الارض هي رأسا باعت ذهبها بدون ما تتردد وهل الشي شاكر الها ، رجعته الها تقريبا بقت تطلبني مقدار مليونين للنسوية والأطلاع

النصيحة الي انصح بيها الي يريد يتزوج موظفة

اولا انصحك تاخذ موظفة مو ربة بيت
ثانيا نوع الوظيفة اهم من سوالك موظفة لو لا
الانواع الي لازم تتبعد عنها
الصحة دوام هواي تعب ماكو عطل
النفط مواقع بعيدة فترات دوام طويلة
الافضل التعليم دوام قليل فترات عطلة هواي على كلشي يعطلون اضافة الى عطلة نصف ونهاية السنة مع قرب المسافة للبييت اضافة راح تكتسب مهارة عالية بالتعامل مع الاطفال وتربيتهم وتعليمهم
الله الله بالمعلمات من بعدهن يجن المدرسات

كلش كلش ابتعد عن موظفات النفط الي يداومن مواقع بعيدة

[Hani Yaqoub]

جيد بعد السنتين يگدر يدبر اموره..

ماعرف يدبر او لا حسب الشخص و ظروفه
بس انا كلامي حول القانون يريد من سنتين مو اقل

[Hani Yaqoub]

نقطة اضافية ابو المثل يگول الي ايده بالنار مو مثل الايده بالماي و ام المثل تگول الي جيبها فارغ مو مثل الي جيبها مليان

يعني تخيل زوجتك تناقشك وتعصب و فلوس ماعدها لو تناقشك وتعصب و فلوس عدها اكيد من عدها فلوس راح تكون اكثر ريلاكس
اوف يا ابو محمد تعبتني بسوالفك التعبانة دزت الجهال يجبون الي سنكرز يخليك ريلاكس
اوف يا ابو محمد تعبتني بسوالفك التعبانة هنا ما عدها فلوس شمرت عليك اقرب شي يشك راسك حتى تكون ريلاكس

[محمد علي نعناع]

في الوقت الحاضر الزواج بموظفة يفسد فطرتها ويجعلها غير مستقرة نفسيا وتعتقد بسبب امتلاكها للراتب انها مساوية للرجل فتفتعل المشاكل معه.