هنا

[dr.Nafes]

أهلاً أبراهيم ..
الموضوع مو موضوع سهل أبداً أختيار الزوج لزوجة عدها عمل ههالشي لازم يدرسه كُـلش. زين حتى يتقدم ؏ هالخطوه ..لازم يعرف ضغط الدوام وساعات العمل والجهد والتعب والمشاكل الي ممكن تواجها الزوجه أثناء عملها هي وحدها كافي ..تجي تلاگي زوجها معصب ممكن تنهار بالحظه ممكن تأثر ؏ علاقتهم ..مثل ما هي تفكر بزوجها شلون ديعاني بدوامه لازم هو كذلك يراعي هالنقطه
...
وبالعكس أكو زوجات عدهم توازن مابين عملها خارج البيت وداخله ومهتمه بكل التفاصيل لأن هي عارفه لو قللت من جهد واحد بيهم راح ييخرب نظامها ..
وشكراً لطرحك القيم

[ابن الوطن]

الزواج بحد ذاته لا يخلو من السلبيات اذا لم يكن فيه احترام الرغبات والعمل التعاوني ونضاجة التفكير ليس الخلل الاساسي والتفكك الاسري مبني على الزوجة اذا كانت موظفة او ربة بيت لنرى المحاكم لا تخلو من طلاق جليسة البيت وربما بنسبة اكبر مما عنون اليه هذا الموضوع التوازن العقلي والفكر المفتوح يغرس احيانا نموذج رائع لزوجين يمتلكان الوظيفة تعاون مشترك وثقافة ابناء وعلم يليق بهم اذا قدر فيه تجاوز الهفوات فدور الزوجة لا يمكن اهماله بامور يمكن معالجتها بسهوله وخالية من التأثير لتكون النتائج والمخرجات تعزز هذا الانتماء واستيعاب الخلل والتقصير لا يكون دائما يعلو هامة الموظفة لنراها في مجتمعنا الاسري مدبرة ومعينة وتجيد اتمام الواجبات فاذا لم احترم هذا المنطق فيكون علي لزاما ان اجلس ابنتي من الدراسة وحلم الوظيفة كي لاتكون عاله لمجتمع اولوياته المعدة وسي السيد

[تاليا♪]

السلام عليكم
أولاً مثل هاي الأمور لازم يكون متفق على كل تفاصيلها في فترة الخطوبة ابتداً من أنه محد يعارض شغل الثاني وانتهاءاً بتقسيم الواجبات وترتيب جدول الحياة اليومية
الشغلة الثانية اللي يحجي هالكلام هذا أكثر واحد راد موظفة وماحصلها فيكعد يعدد محاسن الزواج من ربة البيت عود هو مسوي فد أنجاز عظيم يا اما ماكو تفاهم بينه وبين زوجته فيكعد يشكي ويبجي
يا اما هو متعلم بيت اهله يعامل معاملة الفرعون الصغير ويستنكف يشيل ماعون او خاشوكة يشوفها أهانة لرجولته المزعومة بالمجتمع الشرقي
يريدها موظفة لان عدها راتب وتساعده ولان تصرف على نفسها وعلى اطفالها وبهالحالة حتخفف عنه
ويريدها موظفة لان مثقفة وانيقة وصاحبة شهادة
ويريدها موظفة لان حتعرف تربي اطفاله وتدرسهم
بس مامستعد يتحمل يتأخر الغداء شوية
مامستعد يغسل مواعين العشا حتى يخفف عنها
ليش؟!
لان هو تعبان راجع من الشغل بينما هي متعبانة لان هي امرأة مع انه الرجال اغلب شغلهم كاعدين عكس النساء طول الوقت تركض
بالنسبة لهذا الموضوع فهو نسبي يختلف من شخص لآخر وأيضاً حسب شخصية المرأة
اكو سباعية ومدبرة امورها بالدوام وبالبيت واطفالها شطار بالمدرسة وماشية امورهم تمام واكو لا موظفة ولا بيتها نظيف ولا مفرغة نفسها لاطفالها وتدرسهم تلكاها ٢٤ ساعة للزمة الفيس وتنشر وتتفاعل وأكلها اغلبه دليفري (ماعرف شنو الغرض من وجودها بالحياة غير انها تخلي حمرة وتلبس تراك حلو بالبيت)

اما من ناحية الدين فالاسلام حبب مساعدة الزوجة والنبي (ص) كان يغسل الصحون مع زوجته وما اعتبره إهانة عكس الفرعون الصغير
بالاضافة انه الزوجة مو من واجباتها أنها تقوم بكل هاي الاعمال وأن قامت بيها فهو تفضل منها وليس واجب
واذا كان الزوج متمكن وين المشكلة يوفر خدامة تقوم بالتنظيف والطبخ؟

[رمـْـْْـْــــــــآڊ]

يعني هو يشتغل وهي تشتغل ونفس التعب خارج البيت اثنينهم ، ليش مطلوب منها اضافة الى تعبها تسويله اكل اخر موديل وتهتم بيه وبأطفاله وتدريسهم وبنظافة البيت ..ليش مايساعدها بشغل البيت ؟شبيه مايعرف يغسل مواعين لو مايعرف يشغل الغسالة ليش من يطلع لاوروبا كل الندارة تطلع عنده ؟
يعني تعبها مضاعف ومايتحمل الطفل ساعة يبقى يمه ويظل يدور مشاكل ويدور حجج وحچايه والثانية يگولها بطلي واني اصرف عليج خو هو يبطل ويكعد بالبيت ويقوم بكل هالواجبات وهي تصرف عليه وعلى اطفاله؟
لوتعالي انطيني راتبج كله لانه مبقيج اتداومين .
عود مسوي فضل عليها يعني..
يدور تزيين وهي حيلها مهدود من غبشة الله ل12بالليل ..ساعدها بكل هذني اللي تسويهن يوميا لا تخلي الحمل عليها وحدها ،،وراح تتشارك وياك براتبها وتشوف وجه بشوش منهاوتعيشون بسعادة ..
موضوع يقهر صراحة

هذا انقلاب واضح على الحقوق والواجبات
ليش منو الله خلقها للمنزل المرة لو الرجال
صح ما بيها نقاش زوج يساعد زوجتة بس مو لدرجة بربي اطفالة لان الخانم ادك سوالف وي ست محاسن

[Suzana]

هذا انقلاب واضح على الحقوق والواجبات
ليش منو الله خلقها للمنزل المرة لو الرجال
صح ما بيها نقاش زوج يساعد زوجتة بس مو لدرجة بربي اطفالة لان الخانم ادك سوالف وي ست محاسن

ههههههه لعد شلون راح يحتضنهم اذا ميگدر يربيهم
مو المفروض بيه يحفض ويسوي مميات،لو عادي عنده يكتلهم الوصخ والجوع بس في سبيل ينكلها

[مؤرفين 'ۦ ']

(




وانت ما هو رأيك؟

من يكون الهدف هو الراتب بعدين العملية تفشل... بس اذا اختار مرأة مناسبة بغض النظر عن كونها موظفه او لا ما بيهة شي يتعاونون وفق ضوابط يتفقون عليها

[رمـْـْْـْــــــــآڊ]

جميع الاراء منطقية وجميلة ،،
شكرا لوجودكم في الموضوع الحواري

[رمـْـْْـْــــــــآڊ]

ههههههه لعد شلون راح يحتضنهم اذا ميگدر يربيهم
مو المفروض بيه يحفض ويسوي مميات،لو عادي عنده يكتلهم الوصخ والجوع بس في سبيل ينكلها

اكلج شكد اخلي حليب بالممية شكم خاشوكة
اوكف خلي اكمل شغل واخابرك
اكلج زوجتي العزيزة وين مخلية الحفاضات
اكلج الوسطاني تلف ملابسة ابدلهم اله
يلا حبي وراح احظرلج الغدة لحد ما تجين

[رمـْـْْـْــــــــآڊ]

لو عبالكم فاطمة كانت گاعد وساكته وكلشي متسوي
ترى فاطمه چانت مدرسة للنساء في ذاك الوقت
لو عبالكم النساء بعهد الرسول ما چانن يشتغلون

مدرسة للبنات بغرفة مغلقة عن الرجال مو صايرة فرجة وتحشش بيناتهم وتحجي قصص بطولاتها للموظفات وشلون مشيته مثل الميل

[رمـْـْْـْــــــــآڊ]

انت منين جايب هذا الحچي
ترى احنه بالعراق مجتمع محافظ اغلب البنات يخافن على سمعتهن
لو خلصنه من أنوا الأكل بارد گمنه نطعن بيهن

لا تشوفين نفسج محافظة ومعاشرة المحافظين
تعالي للمولات والدوائر الحكومية المغلقة