هنا

[رمـْـْْـْــــــــآڊ]

ترى عادي كل الموظفات هيج صح التأخير بسبب الدوام لڪن المثل يكول ابنج على ما تربينه و رجلج على ما تعودينه
ممكن يتاخرون بالغدا ساعة ساعتين بس عادي محد مات من جوعه
و اذا هو ياخذها و يبطلها شكو من الاساس اخذ موظفة اخذلك ربة بيت و فضت راحت

نور اغلب الي عاشرتهم متزوجين موظفات ابيوتهم مشاكل كل يوم ،، اذا مو على فلوس على واجبات البيت

[رمـْـْْـْــــــــآڊ]

فعلا ...أنا لست مع الزواج بموظفة ...الأفضل ربة البيت ... تحياتي وتقديري واعتزازي

استاذنا العزيز نحتاج تفصيل رأيك الشخصي
وضيف معاه الاحداث الي تصير بالمحكمة بخصوص الوظيفة
شكرا لك

[رمـْـْْـْــــــــآڊ]

كل جدر يأخذ غطاه

قال تعالى
وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا
صدق تعالى

زوجة كريمة في منزل زوجها
ما كالها طلعي للعمل من الصبح للعصر
ومن ترجع تنام والزلمة يحتار بجهالة

[رمـْـْْـْــــــــآڊ]

بما انو عايشه مع موظفات متزوجات ويحچن عن النظافة والترتيب وشلون مدبرات الوضع ومو كلام وسوالف فعلا ضابطات الوضع
وعدهم اطفال وما شاء الله عليهم

وبما انو اعرف ربة بيت مدري ربة هاتف يرجع زوجهه من الشغل يلگي البيت لعبان نفس يوميا متعاركين ولا آكل مثل الوادم ولا نظافه


فاحب اگول ماكو شي ثابت بهاي الحياة
وكل جدر يأخذ غطاه

اغلب الي حجيتي عنهم ملتهيات بالزينة اكثر من ازواجهن
تشوفيها حمرة محمرة وتفتر بالبنطلون بين الموظفين
والزوج المكرود يسكت بالاطفال ويغديهم

[❀ Bookworm ❀ ❦]

كل شخص حسب رغبتة تكون موظفة لو لا بالنسبة لي بالسعودية. الأغلب الآن يشتغل حتى البنات
ولو عمل حر على حسب الزوجين اذا أكو تفاهم بينهم بالواجبات الزوجية اذا مافية تطلع بسلام أفضل عندي قريبتي متزوجة وهي معلمة وزوجها موظف متفاهمين على كل شيءالحمد الله والواجبات الزوجية قايمين بها

[Hassankh]

شنو الاساس النسبي برأيك؟

لا تتزوج من الاساس هههههههه

[عبير الياسمين]

الرجل اللي يتزوج موظفة لازم ياخذ بعين الاعتبار انها ايضا راح تكون تعبانة من الدوام مثلة ومو يكعد و ينتظر كلشي يجي كدامة حتى الماي والجاي ,خللي شوية يتعلم يخدم نفسة على الاقل, اما بالنسبة لللاكل البايت والله يااخي , الحالة الاقتصادية ما تساعد ان نذب الاكل الباقي , اكيد نحطة بعلب ونضمة بالثلاجة او الفريزر و ناكلة غير يوم مو الا يكون الاكل تازة ومطبوخ بنفس اليوم ,
بعدين اصلا اكثر الموظفات من يصير عندهن وكت يحضرن بعض الاكلات ويحطوهة بالفريزر مثل الكبب , البورك وحتى الدولمة واكو اللي دوامها طويل ويستغرق طول النهار تطبخ بيومين العطلة اكل مال اسبوع وتحطة بالثلاجة شتسوي يعني ؟
وبعدين فرضا انك جيت يوم من الشغل قبل انتهاء الدوام جوعان وهي بعدها , شتسوي تضل جوعان وعصبي تنتظرها تجي واول ما تدخل من الباب تتعارك وياها وتريد اكل , والا تحط اكل بالطاوة وتحمي وتاكلة ؟؟
اما مسألة الفلوس فالمفروض ان المرأة من تشوف البيت محتاج شيء تساهم بشراء بعض الاحتياجات ! بس مو تنطي راتبها كللة للبيت بعدين من تحتاج تشتري شي خاص الها, تطلب من زوجها وهو بطلعان الروح يلا ينطيها,
ومو كل رجال يحب زوجته تحط مكياج بالبيت
وعلى فكرة الزوج والزوجة اذا كانوا متفاهمين مع بعض ترة كل هذه الامور يشوفوهة بسيطة ومايسوون بينهم مشاكل من وراها اما الزوج اللي يشوف هاي الامور صعبة عليه خللي يتزوج ربة بيت ويفضها ,
كل هذه الامور ما الهة علاقة بمهنة المرأة هي تتبع اخلاق وتربية المرأة
شكرا على الموضوع

[زهرة اللوتــس]

والله ياخوية يارماد الشغلة كلها تعتمد على تفاهم الطرفين وتعاونهم ولازم يكون بيناتهم تنازلات لبعض علمود تمشي حياتهم .. اكو رجاجيل مايحبون زوجاتهم يطلعن ويختلطن بالرجال لو يريدها تبقى بالبيت علمود من يرجعله يلگاها محضرة كل وسائل الراحة له وهالشي لازم يكون هو موفر لها كلشي وينفق عليها وعلى البيت بصورة صحيحة واصلا لازم من البداية يتزوج بنية ربة بيت وماابالها التعيين اصلا ..
واكو نسوان گادرة توفق بين عملها وبيتها وهالشي على حساب راحتها طبعا بس هي تشوف ان هي من تتوظف راح ترتاح اكثر لان ماتحب كونها فقط گاعدة بالبيت وتسوي شغل البيت مع انو عمل عظيم واعظم من كلشي هو تكوين اسرة صحيحة ومستقيمة ..


انه بالنسبة لي اذا اتعين احاول اوفق بينهن واذا شفت روحي مااكدر ووظيفتي راح تأثر على راحتي وراحة عائلتي ويتعكر صفوها وهدوئها راح اتركها بدون اي نقاش لان ماادام هو يشتغل ويتعب بره البيت علمود يصرف علينا ويوفر لنا عيشة زينة انه لازم اقابل هالتعب مالته بالاحسان
بين الزوج والزوجة ماكو مصطلحات

independent woman
كرامتي اهم من بيتي واطفالي
وهو يريدني خدامة

والزوج كذلك اذا شاف زوجته متوظفة ومامقصرة ابيتها لازم يساعدها ويتنازل عن بعض النقاط اللي برأيي مو كلش مهمة لان اساس بناء الاسرة هو التفاهم والتعاون بين الزوجين


شكرا لك

[Suzana]

يعني هو يشتغل وهي تشتغل ونفس التعب خارج البيت اثنينهم ، ليش مطلوب منها اضافة الى تعبها تسويله اكل اخر موديل وتهتم بيه وبأطفاله وتدريسهم وبنظافة البيت ..ليش مايساعدها بشغل البيت ؟شبيه مايعرف يغسل مواعين لو مايعرف يشغل الغسالة ليش من يطلع لاوروبا كل الندارة تطلع عنده ؟
يعني تعبها مضاعف ومايتحمل الطفل ساعة يبقى يمه ويظل يدور مشاكل ويدور حجج وحچايه والثانية يگولها بطلي واني اصرف عليج خو هو يبطل ويكعد بالبيت ويقوم بكل هالواجبات وهي تصرف عليه وعلى اطفاله؟
لوتعالي انطيني راتبج كله لانه مبقيج اتداومين .
عود مسوي فضل عليها يعني..
يدور تزيين وهي حيلها مهدود من غبشة الله ل12بالليل ..ساعدها بكل هذني اللي تسويهن يوميا لا تخلي الحمل عليها وحدها ،،وراح تتشارك وياك براتبها وتشوف وجه بشوش منهاوتعيشون بسعادة ..
موضوع يقهر صراحة

[مہحہمہؤُد آلَعہرآقہي]

لا ماخذها حتى ينتعشون اقتصاديا
ويصير عدهم مصدر دخل عالي

انت شنو رأيك بالموضوع

كلمن ورأيه اكو ناس ترفض هذا الشيء اني اشوفها طبيعي جداً من واحد يتزوج موظفة تساعد زوجها في إدارة الأسرة والعائلة وتساعده بكل شي من حيث المصاريف لان الأسواق صارت عبارة عن انتقام من البشر في بغلاء الأسعار لذلك هي راح تخفف وتعين زوجها وتأمين لمستقبل أطفالها