كلمات لطمية يا طريق الشام دانيال بوجبارة
تمنيتك حلم كون من افز انساك
يادرب السبي تاهت عيالي وياك
اطلبك عمري والايام
أطلبك ياطريق الشام
اطلبك ... اطلبك
درب الشام اطلبنك
الف عثره .. والف سطره .. والف جمره
درب الشام احسبنك
مثل هيمه .. جمر خيمه .. بچي إيتيمه
يالملوعني وعيالي
مشيت وعايفه الغالي
بعيده دروبك السوده
بيك اتفرهد أخيالي
الميت مو شرط من الجروح يموت
مرات اليموت اعله الشماته يفوت
من أچفوفي أخذت ايتام
أطلبك ياطريق الشام
اطلبك ... اطلبك
طيحني الدرب وامشي
بچي وخدر .. وگلبي انطر .. أنه اتعثر
ماشوف نطبگ رمشي
يچتفونه .. ويمشونه .. ويسبونه
صاحو بت علي هايه
وآنه عيوني عالرايه
بسمي الشامت ينادي
صعبه چبيره الحچايه
اطب وعالضعن والوادم يأشرون
نعثر والشماته ويلي ويضحكون
السوگ وياي عاش احلام
أطلبك ياطريق الشام
اطلبك ... اطلبك
الشامت بالعيال إيطگ
علي يحچي .. وگوه احچي .. سكته ابچي
الحبل بالرگبه متعلگ
يجر بيهم .. يأذيهم .. يبچيهم
يسبوني وأسد اذني
وسفه الخدم تحكمني
على راسي احط چفي
وجرحي ينزف بوني
متت مو مره وحده ياطريقي أهواي
منك والدمع والخيمه حتى الماي
أعله جرحي وشكثر محتام
أطلبك ياطريق الشام
اطلبك ... اطلبك
راسي حسين صدالي
وأصدله .. جرح كله .. واگلله
شافو طولي وخيالي
يصيواني .. يعنواني .. يوجداني
الشماته تصيح طلعوها
يخويه تصيح أذوها
وآنه چفوفي مچتوفه
المره صعبه يعثروها
عجيبه ام الخدر توگف اگبال الناس
بذيچ الساعه كون يشوفني العباس
امشي وبالضعن گدام
أطلبك ياطريق الشام
اطلبك ... اطلبك
اطب للمجلس مدنگه
ينبراسي .. الشمر جاسي .. انحنه راسي
چفوفي وروحي محترگه
يبو الغيره .. أنه بحيره .. الوجه ديره
سكينه مچلبه بثوبي
وآنه أمتيهه دروبي
كلهه تصيح ياعمه
وأنه ضايعلي محبوبي
كلشي اسمع بذاني حتى صوت أگماط
وآنه متوني يبچن والسياط أسياط
كبرني الشام اعوام
أطلبك ياطريق الشام
اطلبك ... اطلبك
رد مع اقتباس