روايات مشينا كرامات لكينا
بلحسين بدينا للحسين

الله خله بكل كلب حبه
ولجله اسود لبس الكعبه
وكال سر ديني بتراب حسين
لا صلاة الا على التربة

ذهب ذهب تربته تسوه الف جنه
وبلا حسين كل حجي ما اله معنى
ابو علي بالبشر وين اكو مثله
توكف الدنيا وتستعد لو سولفت عنه

لكيناه علامة وعرفناه شهامه
المشي صار كرامه
للحسين


عالم الطب حار بوصافه
حتى الاخرس يحجي لو شافه
حسين بالطب حير العالم
كل مريض ببابه يتشافى
شفه شفه لكل مرض اسم ابو اليمه
حتى الحجر مو عجب لو حجه بأسمه

سر كربلا بكربلا ومحد يفهمه
الما يخدم حسين بصدك ما ينحسب زلمه
اجيناك مسيره والاعداد جبيره
الخدم هاي عشيره
للحسين

معجزات بدرب ابو اليمه
شفنا اعمى يكول هل الكلمة
الشوف مو مقياس للعميان
الما يشوفك يا حسين اعمى

بعينه العمى الما فهم هذا ممشانه
كل من حجه علمشي نكطع لسانه
وبكل شبر بالارض خدم تلكانه
الله ومحمد وعلي والزهرة ويانه
ملايين اجينا والاعلام بدينا
بحزبنه انتمينا
للحسين

حسين يلمابيك كل لوله
بدربك الخطوات مقبولة
شفنه مشلول بضريحك كام
العنده مثلك يوكف بطوله
يظل الك هل المشي كل سنة قائم
هذا الدرب خطوته ترعب الظالم

مدد مدد والمدد من كمر هاشم
درب المشي مثل الصلاة ما ينكطع لازم
مسافات كطعنه درب خير جمعنه
مضه عام ورجعنا
للحسين

هل الدرب من ينتهي يبدي
من الحسين لطلعة المهدي
بالوصية كاتب حجايه
ضاملك رايه لولد ولدي
نعم نعم يا حسين صاحت الرايه
عهد عهد كل سنه نجي مشايه
زلم زلم والزلم كد الحجايه
يابو علي وداعه علي ما توكع الرايه
حسيناه ندانه كتبناه بدمانه
ولا طاح لوانه
للحسين..