يبو خيام الدون
يبو ضعون المشن
شني نفع العيون
الك لو ما بچن
دمك علي شاهد .. ماتابع لواحد
مايسجد لغيرك .. كلمن الك ساجد

يا مالك رگبتي
يا سيد دمعتي
يا لذة ونيني
ياحسين ..

-

ملكك وانت ديني .. محد يشتريني
يا لذة ونيني .. ياحسين ياحسين ..

-

يعطشان وعذب
الصدگ غيرك چذب
صلاتي بلا عزاء
احسها اكبر ذنب
يالكلشي منطيني .. ضامي وترويني
من سلبوا ثوبك .. صار اللطم ديني
ماگلك عشگتك
بس عاشگ خدمتك
يا لذة ونيني
ياحسين ..

-
ملكك وانت ديني .. محد يشتريني
يا لذة ونيني .. ياحسين ياحسين ..

-

يبن اشرف مرة
ويزلمة حيدرة
مكانك عل عرش
شلك وي الثره
يالمنك وتگطع .. منك فلا اشبع
داخل عليك انه .. ومن كلشي راح اطلع
يحسين انت شاهد
غيرك مالي واحد
يا لذة ونيني
ياحسين ..

-

ملكك وانت ديني .. محد يشتريني
يا لذة ونيني .. ياحسين ياحسين ..

-

يحسين اعترف
اتبع ماعرف
عرف مادورت
غير انت العرف
روحي الك مسبية .. يالتسبگ النية
انت الردتني اخدم .. مو انه حظ بيه
ونينك فززاني
ولصوتك خذاني
يا لذة ونيني
ياحسين ..

-

ملكك وانت ديني .. محد يشتريني
يا لذة ونيني .. ياحسين ياحسين ..

-

ياصاحب هلي
يجرحي الاولي
يبو دموع الگضن
عله الاكبر علي
مو هسه قبل آدم .. بالذر الك مآتم
مابايعت غيرك .. فاليشهد العالم
يبو الهم والنواعي
غيرك ماله داعي
يا لذة ونيني
ياحسين ..

-

ملكك وانت ديني .. محد يشتريني
يا لذة ونيني .. ياحسين ياحسين


-


للشاعر | أحمد المشرفاوي



MP3