ذكرى رياضية حزينة
من مدح نفسه ذمها
(رياضياً)
من طفولتي متابع جيداً للرياضة وخصوصاً الدوريات الأوروبية والبطولات العالمية ومشجعا للمنتخب الألماني إلى اليوم . خالي كان يشجع المنتخب الإيطالي كنت العب واني عمري صغير خالي يلقبني ب اللاعب الإيطالي بيرلو كنت مااعرفه اعرف فقط المشاهير ولاعبين المنتخب الألماني. في نصف نهائي كأس العالم 2006 تواجه المنتخبان كنت فرحان كلش بوقتها مااعرف إيطاليا من أقوى الفرق الأوروبية وقتذاك رحت لخالي كتله اليوم ألمانيا للنهائي تصعد كالي حبيبي لاتسبق الأحداث وكنت منتظر المساء شوكت يجي . بدأت اللعبة والكل يشاهد بصمت المتفرجين تعاطفو معي وشجعو ألمانيا انتهت المباراة تعادل سلباً واللجوء إلى الوقت الإضافي وآخر دقيقة من الشوط الثاني الإضافي في الدقيقة 119 او 18 سجلت إيطاليا الهدف الأول والتمريرة كانت من بيرلو واضاف الهدف الثاني ديل بيرو . خالي شافني وحطني بحضنه كال اذا تبجي مااجيبك وياي بعد أني تماسكت روحي ومابجيت لمن وصلت لبيته ضليت ابجي وانقهرت كلش . وبوقتها حقدت وكرهت منتخب إيطاليا وبالتحديد بيرلو لان خالي كان يناديني باسمه اذا العب . واستمر هذا الاسم عليه وكنت رافضه واضوج اللي يصيحلي باسمه لمن تركت كرة القدم . قبل 3ايام اكو بطولة فرق خماسي وبلغوني اجي العب وياهم من جماعتنا رحت بس كنت مااكدر العب اتعب بسرعة بس جبروني اروح لعبنا وفزنا 3-2 سجلت هدف وصنعت هدف وفزت بجائزة أفضل لاعب بالمباراة وماكنت متوقع أصلا افوز بجائزة أفضل لاعب بالمباراة ومامتوقع نفسي اتحرك جيد والعب جيد لان الشباب اللي بالخماسي ممارسين اللعب وبشكل يومي بس لاحظت هواي شباب يجيد السرعة والقوة لكن يعيبهم التمرير والتركيز والذكاء أثناء اللعب لذلك كتلهم راح ارجع العب وشرط لقبوني بيرلو
هذه أحد الذكريات الرياضية
شتنصحوني ارجع العب لو اكعد واسكت ؟
رد مع اقتباس
المشاركة الأصلية كتبت بواسطة المختبيء تحت المطر
