من سوالف اهلنه گبل جان من تطلع الزلم للزرع تفرغ الديرة ويبقى بس الزغار والشياب يكعدون بالمشراگه ، ومن تخلص النسوان شغلهن اليومي يسبحن بالنهر بمكان معزول ومستور عن العين ، وبيوم بت الشيخ تسبح ويه صاحباتها ومن خلصن كلمن ركضت على ملابسها بس بت الشيخ ما لكت دشداشتها !! مر اكريم وسمع صياحن وعرف السالفه نزع دشداشته وشمره على بت الشيخ حتى يستره ، بت الشيخ تهمت اكريم وكالت هو الباك دشداشتي !! فصارت طلابه جبيره ووده كوامه لبيت اكريم !! حولوا واخذوا عطوه ويوم الفصل اجت الاجاويد فصاله ، الشيخ راد يعزب صاح على واحد من رعيانه وكله اتخير أكبر ثور واذبحه للوادم ، الراعي ومن ذبح وصلخ لكه الدشداشه بكرشة الثور !!! اجه وشاور الشيخ كله محفوظ ثوب بتك ماكله الثور !! تغدت الاجاويد وشربوا جاي والسيد راد يسولف تسابيج وبداية للطلابه الشيخ صاحب حظ وبخت كام بنص الديوان وصاح ياجماعه حجينا ماكله الثور ؟؟ اشربوا الكهوه وتوكلوا على الله. #رباط_سالفتنه كم ثور ماكل حجينه وينه صاحب الحظ والبخت اليكعد ويحلها عدنه ثيران هواي وكل واحد بيهم ماكله مليون دشداشه وماكو خير ويكلنه الناس شوكت ترتاح من طلايب الثيران ؟ مكرم السامع ...
رد مع اقتباس
استمتعت بقرائتها شكرا جزيلا 