احسن شغله هايالمشاركة الأصلية كتبت بواسطة دُعےـــآء
احسن شغله هاي
بس خل اتفرغ ارجع اعقب على كلامي
تخلف ايضا نريد كيف استنتجت انه تخلف
طبعا عن العراق اقصد
قبل كلشي خل نجي نحدد
البنية مسلمة لو من غير ديانة
هسة نركعها ميخالف وانكول من تشيل اثقال
تلبس شال وتغطي جسمها
زين بالتدريب شلون
غير مدرب ولازم تلبس شورت واطلع كراعينها كدامة وتركظ
روح عمي تلبس بجامة
هم تفاصيل جسمها بارزة
زين انت شنو ابالك
نخلي المرأة جليسة البيت بس تطبخ وتنظف
لا يا حبيبي خل اطلع كراعينها وتطلع بالتلفزيون
زين انتو ليش تعتبرها تخلف
بوية مو تخلف
عوفي الصلاة والصوم وكل شغلة الها علاقة
بالاسلام و برب العالمين
وروحي شتسوين سوي
زين هو الاسلام يمنعني
اي يمنعج
........
طبعا ب٢٠١٨ ايام تحرير العراق من داعش
احنة بقاعدة عسكرية في بيجي
كالولنا تجمعو اكو جاي عليكم ضيف يريد يلتقي بيكم
تجمعنه بقاعة وجان يدخل علينا سيد معمم طبعا معروف
كال السيد السيستاني يبعث بسلامة الكم
ويتمنى الشفاء للجرحى والرحمة للشهداء
بعد كلام طويل كال
يكول السيستاني
الحرب القادمة اقوى من الحرب اللي خضتوها
يمعود دخيلك شراح يدخل غير داعش
كال لا
الحرب القادمة حرب فكرية
وهي اخطر من داعش
المهم من راح ضلينه نصنف عليه
ورة فترة بديت اشوف افكار يزرعوها بالمجتمع
من خلال التواصل الاجتماعي
مثلا
البنية سندها راتبها
البنية مامجبورة ترضع جهالها
البنية ميحاسبها رجلها
البنية الها حق تطلع وتطب بكيفها
البنية مو عبدة
ووووالخ
ومن الخرط هذا
وخلقولك نسوان مسترجلات تحلل بكيفها
وتالي شوف المحاكم انترست
ولج يالسودة انتي عايشة بالعراق
بنص المسلمين ويومية طاكيلهم وحدة بالدهن
تكللها بابة بيتج زوجج اطفالج
تكلك لا اني سندي الراتب
وتالي يطلكها ومن تكبر تصير شغلة ويفصلوها من الدوام
وتخسر المشيتين
وتجيب فراشها وتجي يم ابو الجوادين
العبي رياضة بالبيت
ومن انتي هيج بيج حيل
ماتخدمين اهلج
ليش بس تريدن اطشن
الصوج من الله هو يكول ونبية
لاتحللين بكيفج
عوفي الله وروحي سوي اليعجبج
بس ها مو بالعراق خاف تعدين بناتنا
روحي هناك يم مستر هانز
والله يا اخ فقار كلام السيد صحيح
في ان الحرب الجاية حرب فكرية
بحيث خلولك عمل الشواذ بالمجتمع
من المثليين حرية شخصية
وخلولك الادمان على المخدرات حرية شخصية
وخلولك الانحراف عادلة والعادلة انحراف
وخلولك ام اللول سيدة مجتمع ومظلومة
مشيت لكربلا على شكل مراحل لو بعدك ؟
يعني اتمنى من تقرون موضوع الاخ مو تقرون نص وتعوفون الباقي .. هو ماذاكر بس اللي يطلعن مصلخات عساس رياضة هو ذاكر حتى اللي گاعدة ابيتها ومحترمة نفسها بس مجرد تتابع لعبة لو تعرف اخبار فريق معين وصفها بالمتخلفة
الحمد لله انه وحدة من الناس گاعدة ابيتي ومحجبة وحتى ألبس عباية ومحترمة زوجي وقايمة بواجب بيتي واطفالي بس مايمنع ان اتابع لعبة معينة وعلى گولته اعرف التسلل والدفاع والهجوم احس هالشي يسعدني من اگعد انه وزوجي واطفالي ونخلق جو عائلي ونتابع ..
بس مو اجي لهالموضوع واشوف واصفين تصرفي هذا بالتخلف ليش يعني .. مثلما اكو بنات يتابعن مسلسلات وفن ومكياج انه ضفتلهن متابعة الرياضة وكرة القدم بالخصوص ..
احترم كل الاراء اللي تقدمت وكل شخص وله تفكيره ووجهة نظره بس هذا الموضوع مايهمني ولا راح يخليني اترك اهتماماتي الكروية وريال مدريد بالذات وخصوصا ان زوجي قابل بهالشي ومامأثر بالسلب على حياتي العائلية :)
يا ام عباس
بالنسبة لي ما ادري بالموضوع
ولا قريت ردود الاعضاء
بس مجرد علقت على ما تفضل به الاخ فقار
من ان الحرب القادمة هي حرب فكرية
على هذا المقطع كان تعليقي فقط لاغير
وليس على الموضوع ككل
واني ما اشوف ان متابعة المرأءة للاحداث الرياضية
من خلال التلفزيون فيها شيء مخجل او شيء سيء
يريدون نتابع مسلسلات تركيه
العشق الممنوع وغيرها
هذا اللي طلعوا بيه
فقار هاي أمرأة لولعبة بلاستيكية
ماكتلنا تقبل نخطبها الك عدها افلوس ومشهورة
شتكول نتوكل ونخطب
والله يا اخ صقر ..العراق بعد ما تطور وتحور ..صارت المرأة تشيل دبة المي وتصعد بقنينه الغاز للطابق الثاني وهي حامل بتسعة شهور ماذا نسمي ؟ ويعتبرون عيالها خروجها للنادي الرياضي عبارة عن انحلال أخلاقي ماذا نسمي ؟و تشجيع الاعبين من حق الرجل ومتابعة الرياضة ثقافة تقتصر على الرجال ماذا نسمي ؟ ...حقيقة ما تصورت انحيازك لهكذا مواضيع ..هنا نجد كمية التزام الرجل الشرقي بمواصفات المرأءة المسلمة لكن واقع حال يتمنى الزوجة المتمكنة ماديا حتى تساعده على غلاء المعيشة ومن بعد ذلك يتم انتقادها؟ على أساس مطبقين الإسلام وأحكامه ؟ وين بالعراق لو بالعالم الإسلامي اكو احد أنصف المرأة بحق .. اصلا من يعترف بحريتها ..من تتفوق بمجال عملها لازم يكون الترقية للمدير لان هي أدنى درجة وظيفية لكن شهادتها أعلى ..اي انصاف واي اعتبار وهي لا وجود لها في الواقع ..الواقع وليس فقط كلام جرائد و أفلام .. الحلوة والي تحافظ على جمالها تحتاج مقومات واهمها النفسية والمادية ومن يتوفر من يعيلها يكون رجل بحق مسلم كامل بأيمانه من يصنف النساء ينظر بعين الاعتبار أمه واخته احداهن ... أما بالنسبة لموضوع الصور الي نشرتها لنساء رياضة كمال الأجسام هي مهنة لبعض النساء تأكل منها لقمة عيش يكفي انها اكتفت بأن ينظر لها كرجل وليست كأنثى اي تنازلت عن حقها في أن تكون انثى ياريت نقرأ قصة كل واحدة منهن قبل أن نحكم عليهن...الاسلام الحقيقي لا يليق به أن يقذف و يشهر بهكذا مواضيع لا تمت بصلة لنا .. لهم دينهم ولنا ديننا .. والثقافات مختلفة ممكن نتقبلها وممكن لا .. لكن ندعو لهم بالهداية لعل الله يرزقهم أعظم هدية وهي معرفته حق المعرفة .. ونحن هنا نتناقش لنصل إلى المعرفة وبأجمل صورة .. شكرا لسعة صدرك وتقبل الآراء استاذ صقر
رد مع اقتباس
