واجب
نشكر النعمه رجعت الخدمه بهاي المسيره
واجب
نخدم ونتعب ننصر المذهب بهاي المسيره
سلطان الارض
يالحبك فرض واجب
______
هاي
مواكبنه درب لمنه مثل طير وغصن
تفاركنه. وتلاكينه. جفن يشبك جفن
تربينه عله الخدمه ابو يوصي الابن
هلا بيهم هلابيهم
گاع الله ويانه اتاني خطوات المشايه
وغصبن عالغيم يدنك لو شلتوها الرايه
الزاير عند الخدام
ضيف وعد ناس كرام
حي الله بزلم حسين الما ثنت بحجايه
لوحة
هالدرب راسم زاير وخادم كلها بطريقه
لوحة
من قبل ادم دلت العالم درب الحقيقه
عنوان الرفض
يالحبك فرض واجب
______
زور
المشي الكبره الف عمره والف حجه نكتب
صدك غالي تربُ جدمه يدنكله الذهب
بجناسينه تشوف اسمه وطن وحنه الشعب
مشي زوره مشي زوره
حتى الميت لو بيده يمشي ويترك كبره
وما بالغ لو كتلكم اكبر جنه الحضره
ليش الناس متيهين
خارطة الحب حسين
تدخل للجنه محزم زاير ابن الزهره
عالي
قدرك وشانك يبقه عنوانك لحسين خادم
عالي
مايطخ راسك بزود عباسك بدر الهواشم
خطواتك نبض
يالحبك فرض واجب
_____
هام
خبر عدنه مواكبنه تعزب للمطر
وملايينه يرسموله نهر بس من بشر
سفينتنه حسينيه غرك بيها البحر
هيه اسرع هيه اوسع
انزل لحسين وتصعد لو رايد توصله
الما عنده حسين بدينه لا صام ولا صله
معناه الدين حسين
وحسين يمثل الدين
خدمتنه تكل العالم
اصل الخادم هالخدمة وكلمن يحجي باصله
حاضر
هايه كلمتهم حلوه وكفتهم ولد الحسن هاي
حاضر
بلغ الغايب خدمتك واجب. أهلاً يمشاي
مو بس باللفظ
يالحبك فرض واجب
___
شوف
خدم عنده مواقفها تحير كل عقل
طفل زاير وبو موكب يبوس ايد الطفل
مره تمشي. جفافينه. تصير اعليها ظِل
هله يمه هله يمه
خدامك وادم فقره والعالم تحسدهم
حتى يخدمون الزاير باعو كل العدهم
الما راد الفرصه تضيع
الترجيت بنته يبيع
مابيهم واحد يخسر وحسين يعوضهم
موقف
ناس اهل موقف والزمن يحلف سوو عجايب
موقف
لازم نذكره. الوادم الفقره نصبت مواكب
خله اليعترض
يالحبك فرض واجب
____
ليش
زيارتنه قضيتنه تضل طول العمر
نضل نمشي لان ضعنه رجع من اليسر
طريق الحب مثل اسمه ابد ما ينكسر
نجي نمشي نجي نمشي
ناس الراحو يم كبره كلهم صارو جابر
وزينب من رجعت صاحت ياحي الله الزاير
من جابر عدنه هواي
جبنالك خيمه وماي
حاير ما تبقه الوحدك يالوحدك بالعاشر
جرحك
يبدي بالعاشر وقصة الزاير. من عدها تبدي
جرحك
نزف جم موكب وعالسمه يكتب وينك يمهدي
حزنك ما يفض
يالحبك فرض واجب
MP3
رد مع اقتباس
المشاركة الأصلية كتبت بواسطة sawsanmahmoud
