ولاية ريح وانا ارماد!
رضيت وهمي مو كل هم
لا اسوه تلمني جفوف
ولا عطري عطر ويلمني بيت الشم
نازح من حياة اللم
شما اطيح اعله جف انزاح!
مكروه اكثر من الدم
جنت يابس ضمه
ولهمتني نار الطيش
نواي ارماد !!!!
وياهو اليشتهيله ارماد بي يلهم؟!!
ومن شفت الدخان المني بيه راح
لا ودع ولا سلم
صحت يالمحترگ من نارك اتعلم
سمعت بخرخشة مفتاح
وصوت جدام تتقدم
والمفتاح نساوة روح كل مسجون يتوحم
هنا كلي بديت اندم !
ذكرت امي بمسية الضيج تنخامن ويگضي الهم
وذكرت اسمه اليخلي امي ورا ماتنخه تتبسم
بديت اتذكره واندم
بده يطب الضوه لروحي ويرد الدم
بعد ماروحي جانت وجهي المسمم
بديت التم!!!
طحت كلي وبديت التم
ولا جنت ادري بالمثلي
المثل حسين بي يتهم
ياهو الي اشتراني ارماد غير حسين؟
الوسيعه عيونه وجروحه التفت وانعم
انعم الله علي فاگد منكسر عطشان
مذبوح وسليب ثياب ومخضب
وبين الخيل واهله ابين نار خيام
واعله ارماح صار سنين
وعله المثلي التفت وانعم
.................................................. ..
الملا: سيد سلام الحسيني
اسم القصيده: ولاية ريح
رد مع اقتباس
