هنا

[بحار تائه]

اريد انساها ما اكدر
صار اكثر من 5 سنوات من افترقنه بس ما جاي انساها ولا جاي اكدر اشيلها من بالي
تجيني بالحلم هوايه
حاولت اشتغل والتهي بغير شي
ماكو فائدة

[Haidar Iraq]

شنهي الفلم
شنهي الفلم
يوميه اشوفك بالحلم
دقة جمالك بالوصف
خايب ولك طرگاعه

الله ایساعدك اخوي

[صقر عراقي]

ماكو داعي تنساها عادي ابقى اتذكرها واشتغل ابحياتك اليومية طبيعي
ابهاتنا وامهاتنا صار ماتو اكثر من عشرين سنة نتذكرهم وحياتنا طبيعية
بس انت كول مااعرف احصل على حب ثاني وفرصة وراحت عليه ومااكدر انساها .
وكل مااصفن اتصورها مع غيري وتحترك روحي .هيج سالفتك تجي عدل .؟
اذا خمس سنوات ماشايفها خو ماتبقى عليك .؟
قابل اتمثل فلم وتضحي ابحياتها لاجلك .
حبيبي عادي ابقى اذكرها واستأنف حياتك طبيعي .
قبل عشرين سنة شفت لقطة الى ممثلة ولحد هاي اللحظة لازكة ابراسي
فماتأثر عليه اذا نسيتها اواتذكرتها .
علاجك بسيط وسهل اسبح ومشط والبس عدل واضحك مع الاصدقاء واخلص بعملك ولاضرر تخطر على بالك ذكراها .
واذا انت صادق معها ادعولها بالتوفيق والسعادة والسلام

[Suzana]

الله يكون بعونك، شعور مؤلم.
حاول تدخل بعلاقة جديدة حتى تنسى السابقة .

[دُعےـــآء]

صعبة ياخوي اللي أگدر اكوله بس ... الله يعينك

[علق]

شوهه صورته بمخيلتك
جيبلك ورقه وقلم واكتب كل عيوبه وضخمهن وزيد من يمك
فترة قليلة على هذا الوضع عقلك يگوم يشوفه كُخه ويبطل يفكر بيه
لازم ورقة وقلم لانو عقلك اللا واعي ما يفهم بس من تكتبله فترة حيغهم شتقصد وشگگ بهالورقة وشمره بالزبالة
راح يعرف انو الأمر الجديد هذا البنت لا تمثل شيء ويجب ازالتها وكل ما يتعلق بها
بس هذا حل مؤقت لانو اذا ما وجهت الشعور الأساسي بالتعلق راح تعلق بوحده ثانية
وطبعا شوف بماضيك تشبهمن هاي البنية بسلوكه بتصرفه باخلاقة راح تعرف ليش تعلقت ومناك يبدي الحل

[ȺӀì βąҍӀì]

وليش اتفرقتوا ..؟
واذا اكو حب ليش ما اتقدمت تخطبها ؟
هواي امور ما موضحها ..
على العموم الحياة والزمن كفيلين يشغلوك بس .. اما النسيان مستحيل
اهم شيء ما تخلي سنين عمرك تضيع منك .. لان العمر اذا راح بعد ما يرجع ..
اعتبرها ذكرى جميلة

[Dr.Asom]

نفس ما گال استاذ علي هواي امور مموضحها بس نصيحة محد يموت ورة واحد
عيش حياتك الدنيا اكثر من اختيار بيها لتتمسك بشي راح لو بي خير الك ما راح

[شهرزاد .]

اريد انساها ما اكدر
صار اكثر من 5 سنوات من افترقنه بس ما جاي انساها ولا جاي اكدر اشيلها من بالي
تجيني بالحلم هوايه
حاولت اشتغل والتهي بغير شي
ماكو فائدة

أينسى القلب أياماً لها في روحه مسرى

[وَتِــيـن ﮩ]

الظاهر جانت زينة وياك وانت انگلبت عليها
ماطول هيج مأنبك الضمير
وماحصلت مثلها
اكيد هي من بعد معاناة انسحبت نهائي ومجنت متوقع هالشي
ميحس بقيمة الشيء بس الي يفقدة

بغض النظر ع اكو امور مبهمة ومومفهومة ..
مشي حياتك واترك الماضي