ابوذية عراقية منوعة 2

أون أعليك موبصياح بسكات
يبو شفاف الكعك وخدود بسكات
شمالك يالدمع خلصيت بس كت
وصفة حتة الدمع ذب دمعه علية

ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سية

مو معدن ذهب معدنك صفرين
وهذني ارسوم وجهي اعليك صفرين
انا واحد وانت مو صفر صفرين
عد يمناك حطني نصير مية

بلهيب جفاك كل اعضاي وجن
وتيهت السنين المضن والجن
مثلك ماشفت بالانس والجان
وجلت قدرته السواك الية