مجوعة ابوذيات عراقية رائعة

احبك من تصل ليه واصل ليك
واكطع كلبي بفراكك وصل ليك
احسك ركعة كل ساعة اصليك
واصيح اللة واكبر حن علية

أخذ نبضي الهمس شوككـ منصه
وأبد لاتخاف كص كلبي من نصه
صدكـ الراس كل عمري مانصه
ويظل شامخ بحبك للمنية

عملت الزينة محبوبي من اصلك
وجرح بالروح ظل ينزف من نصلك
شكثر مشتاكـ ماأدري من اصل لك
احضنك لو أقدّم بس تحية

دفت دوف المصايب مادفني
وليال الصيف كلهن مادفني
اخوي المتت يمه مادفني
ركض للدود حشمهم علية

حفينا وما عرفنا اسباب شطاك
عطشنا وما شربنا ماي شطاك
كلي العلمك على الهجر شطاك
شخذ منك سبب جرمك علية

عليك اعيون تسحرني به الوان
ورحي صفت من هجرك به الون
ابشرك صرت بغيابك بهلوان
وصفت كل البشر تضحك علية

وي دورة عيونك درنا في سات
ويا سبحان الخلقهن در نفيسات
مونظرات عندك درنفيسات
لان تفصيخ ذبني علية

الك معزوفه من روحي ولك حس
والك ذوق شكثر مرهف والك حس
احبك والله يمعود ولك حس
واذا حسيت بس رمش علية

مظن زلفك يناهي براح ينلاح
بعگل كلمن يريده الاف ينلاح
بظلام الليل وجهك لون ينلاح
مثل شمس الضحي اتضوي الوطية

الحزن عـاف النـاس كـلها والتهابي
وجـمـر بحشاي تسلى والتهـابـي
انـتـه سـبـب عــــــلتـي والتهابــي
واكيد انته الطبيب اليكشف علي