أبوذيات عراقية منوعة

شفت بالطيف شخصك سالماني
همت ودموع عيني سالماني
علي تسأل يغالي سالم اني
عدل بس شوفتك شحت عليه

كلب صافي اذا ترغب كلبنه
وابد مايوم على صاحب كلبنه
احنه اظلوع الك وانت كلبنه
وبنبض كلبك ترد الروح اليه

ذبل عود الكلب لجلك وخاوي
وبعد مااحط اخو غيرك وخاوي
الفخر مو للذي يعاشر وخاوي
الفخر بالضيج لليذكر خويه

جمبذ خد ابو سمحات منفاك
الورد وارد يساهي العين من فاك
لو بين عليه جفاك منفاك
غصب روحي عليك اتحوش بيه

يناهي اقبل ارشادي ونتصاحي
جذب من شاف شخصك ونتصاحي
و حك سكرة اعيونك ونتصاحي
رضابك سلسبيل و عذب ميه

نومي اشلون وهمومي تلمني
انحلت و الفضل لهدومي تلمني
علام الناس يا صاحب تلمني
لها الحك مادرت بالصار بيه