مشاكل شارعنا ما تخلص
قبل شكم سنة اجوي خطار جدد لشارعنا اسمهم بيت ابو يعقوب ، بس المشكلة البيت الي اخذوه ارض مغتصبة ، فـ الجوارين كلهم قاطعوهم ، بعدين شويه شويه رجعت العلاقات ، اهل البيت طگت رواحهم يگلك ليش عايشين بـ ايجار واحنه اصحاب البيت فـ راحو لبيت ابو يعقوب وكسرولهم الجامة ، شو هذوله تخبلوا گاموا يتعاركون ويا الرايح و الجاي بالمنطقة ، جوارينا بيت ابو رضا وبيت ابو نصر هم ما يسكتون ويومية يتشامرون بالحچي وياهم وكلما تريد تعلگ يجي مختار المنطقة يهدأ الاوضاع ، بس هل مرة الشگ چبير والرگعة صغيرة لان بيت ابو يعقوب زودوها كتلوا ابن بيت ابو نصر و ابن ابو البيت الاصلي من چان رايح ضيف ابيت ابو رضا ، المهم هسه الاجواء كلش متشنجة يمنا ، هدور حتى ويلادنا وبيت ابو شام يردون يدخلون العركة و يومية يتحارشون ابيت المختار ، والله حيرة يا جماعة شارعنا صاير صفنات و الجوارين كلهم مترقبين العركة و اذا علگت يمنه يعني المنطقة كلها تعلگ و يروح بيها الاخضر و اليابس
انت شتگول صديقي شون حتصفى الوضعية ؟
رد مع اقتباس
المشاركة الأصلية كتبت بواسطة مہحہمہؤُد آلَعہرآقہي
وحياتك يبنت بيت ابو نڤرتيتي
