القصيدة: ذبحوني اشجم مره أداء: مسلم الوائلي
كلمات: عباس طالب السعيدي
~~~~~~
يالمبعد عن شوف العين
مشتاگتلك خويه حسين
مثلك يبن الزهره
ذبحوني اشجم مره
خويه حسين .. خويه حسين
~~~~~~
انه مو عفتك مسافه وراح جدمي
جا قميصك يالحسين شجابه يمي
گتلك اسمي خاف صوتي ما عرفته
هسه هم معقوله هم ما تعرف اسمي
قميصك حافر امدنيه
جا شمسويه بيك الخيل
عرفت متعبك الذباح
من لاگيته ما بي حيل
ذباحك تعبان شبي
بس لا نحرك طول بي
من گالوا حز نحره
ذبحوني اشجم مره
خويه حسين .. خويه حسين
~~~~~
ضامي شفتك والضمه حالف يذبلك
والله لو زلمه العطش جا ما گدرلك
وجهك يديرونه صوبي وصاحوا اركاض
وانه من گد ما طحت مستحيه اگلك
من تحلف جنت عطشان
الماي ولا يصدگ بيك
لو عنده النهر رجلين
جا هم ما يجي ويسگيك
اختك فوگ الناگه اتصيح
حيهم حيهم كلما اطيح
مني الحيل اتبره
ذبحوني اشجم مره
خويه حسين .. خويه حسين
~~~~~
عاري من شفتك جبتلك غطه الرايه
صعبه جا يحسين اغطيك بعبايه
كفت الرايه عليك شلون مدري
وانته طولك جمل القرآن آيه
شمخليه الحوافر بيك
يل اطول من خلگ عباس
طولك مو شذر يحسين
حته يفرهدونه الناس
ذاك البالطف جنه شراع
خلص طوله بساع ابساع
باوع لو بس نظره
ذبحوني اشجم مره
خويه حسين .. خويه حسين
~~~~~
انه التسميني كلها الهاشميه
من طحت صاحوا عليه الخارجيه
ما هظمني الگال زينب تنسبي اليوم
الهظمني اگبالك يجتفون اديه
يحسين البديها احبال
من تعثر تكض بيمن
لو وحده من البنيات
طاحت كلهن يطيحن
لا ترضه انته ولا عباس
تتباوعلي عيون الناس
گلبي وأخر صبره
ذبحوني اشجم مره
خويه حسين .. خويه حسين
~~~~~~
خويه غمض عينك تسامحني ردتك
يشبه شفافك زراگ امتون اخيتك
من گلتلك حرگوا الخيمه والگلوب
دورت عالماي اطفيها ولگيتك
خاف اگبالك يصيحون
زينب ركضت هوايه
گلهم هيه هاي الريح
تركض لو لگت رايه
خلصت خويه والله وياك
يمطشرينك وين الگاك
جرحك مثل الجمره
ذبحوني اشجم مره
خويه حسين .. خويه حسين
°°°°°°°°°°°°°°°°°°°°°°°
رد مع اقتباس
