هنا

[NAZ‌]

باسم الكربلائي
قصيدة : عمه سيفي انطيني
للشاعر : عباس هابيل الزينبي
: ليالي استشهاد الإمام السجاد (ع)
: ليلة 25 محرم 1446 هـ
: موكب أخوة زينب - قاعة الشهيد القائد مهدي الكناني - بغداد


عمه سيفي انطيني .. وحده ظل احسيني

الا من ناصر لمن شفته يصيح
خطوه اركضله وعشر خطوات اطيح
اسد واگف شفته لا چنه جريح
شلون ما اباوعله اشوفنه ذبيح
واگف امتانيني .. وحده ظل حسيني

ناوليني السيف صحت بعالي صوت
احنه مابينه العله اوساده يموت
فوتت العباس عالجيش ارد افوت
وبيهم اخطب والحرس كلهم سكوت
كربله تناديني .. وحده ظل حسيني

الموت بالطف شيمه مو گطعت نفس
احنه ما نركب هزل نركب فرس
وحق ذاك الجسمه بسهام انترس
بذله ما ننطيها أيس يالحرس
رايد انصر ديني .. وحده ظل حسيني

عمه اريد افزع مثل عمي الگمر
بس اضل بالخيمه اموت امن القهر
مثل ابو فاضل ارد من النهر
لو مثل جسام ارد دم بالنحر
مثله اضحي بعيني .. وحده ظل حسيني

مستعد ياعمه اتلگه النبل
ولا اشوفنج اسيره وعالهزل
خل اشدن شارب بشارب واحل
قبل ما تتگيد چفوفي بحبل
صارمي بچفيني .. وحده ظل حسيني


ارد اوصيجن سكينه ويارب
انتن بغابه واسد هالغابه غاب
من تطيح ازلامچن فوگ التراب
اتحجبن بخضاب لو طاح الحجاب
هالأمر ياذيني .. وحده ظل حسيني

ابوذيات : بلا دار ، بلاياه ، ظليت
للشاعر ناظم الحاشي


عليك إشكِثُر يوم الطف .. بَلا دار
اوصبرك عالجره وشفته .. بلا دار
إبخرابه وتنظر العمتك .. بلا دار
إوسبايه ال النبي بديار أميّه

عَفَه صَبرك يبو الباقِر .. بَلاياه
او شِفِت تِردِف على إحسينك .. بَلاياه
اوسبايه إتشوف اهل بيته .. بَلاياه
اوشِفِت فوگ النَحَر ماتت رُقيّه

ضِل إنته اوعلى أهل البيت .. ضَلّيت
وَلا عن دَربْ إبوك حسين .. ضَلّيت
حِكمه إبهاي لَمّن عَدِل .. ضَلّيت
لَجِل تُبقه السُلاله الهاشميه

[ثامر الحيدري]

شكرا جزيلا لكم

[NAZ‌]

نورت