باسم الكربلائي
قصيدة : زين الدمع
للشاعر : حمزة السماوي
: ليالي استشهاد الإمام السجاد (ع)
: ليلة 25 محرم 1446 هـ
: موكب أخوة زينب - قاعة الشهيد القائد مهدي الكناني - بغداد
طور: ما اكدر انساك
زين الدمع مات .. واويلاه واويلاه
راح اعتني يم حي بني عدنان
من اوصلت اطرق صرت بيبان
عنه اسالت اهله وشفت جيران
گالوا رحل لله انتقل عطشان
بعد المعاناة .. واويلاه واويلاه
هذا الغصن معصوم ابن معصوم
اسمه علي وجده علي المظلوم
بضيمه ابتله دافن هله بفد يوم
صوتي اعتله ويلي عله المسموم
أيامه دمعات .. واويلاه واويلاه
يهل البخت صوته سكت مبحوح
وبكاحله امن السلسله مجروح
ايصبره منو العنده اخو مذبوح
بيده حبل يصعد هزل ويروح
للكوفه بآهات .. واويلاه واويلاه
جرحه قوي ما يرتوي وبهاي
ينظر سهم ينظر خيم بالماي
عمته انسبت اخته انولت واهواي
بنعشه ويحن ميت حزن مولاي
ذابحته حسرات .. واويلاه واويلاه
بالهم گضه والسم مضه بحشاه
وبجنازته دم دمعته بعيناه
وبدفنته وبحفرته ويلاه
محد نزل من الاهل وياه
وحده حرامات .. واويلاه واويلاه
شفته اندفن جنب الحسن يا ناس
وفوگ الكبر ازرع عمر مو ياس
ساعه وحضر هذا الگمر عباس
راعي الفضل رد الفضل بحساس
يقراله ابيات .. واويلاه واويلاه
رد مع اقتباس