(طير السعد)
تاهت بعد ماندري وين الدرب
عنه اشتمر لبعيد طير السعد
تاه الصدگ مابين عين واذن
الاذن طرشه وبالعيون الرمد
دنيا وصفت للباع رايه ابفلس
للبس صايه بلا اساس وسند
صاير فريضه الجان تالي الضعن
يامر وينهى ابمحضره لو گعد
يتصدر الديوان شوف العجب
واوي الدجاج اليوم صاير اسد
ماظل بعد راح اليروز الحجي
ماتلگه واحد بي سند معتمد
ماظل شريف اللي عليه تنتجي
وي مايميل الحمل عنك شرد
تمسح اجتاف الزلم للمو زلم
مامش حيا وماي الوجوه انفگد
يطباع اهلنه الراحت وي المشو
ماظن ترد ذيج السوالف بعد
علي تكليف الصگبان
رد مع اقتباس
