القصيدة: تعبنه الدرب يحسين أداء: مسلم الوائلي
كلمات: عبد الأمير السهلاني
~~~~~~
تعبنه الدرب يحسين بي ضاعت ملامحنه
ما ظل للجروح امجان حته الدنيا تجرحنه
~~~~~~
ايتامك گضت يحسين بدروب السفر لشام
.. بين السهل والوادي
الخيل شگد خذت مني وجم طفله الجزتها النوگ
.. وما ردالها الحادي
لحد هسه بعباتي أثار
مال جفوف ادين ازغار
اول ما ولتنه النار
جانن كلهن مجلبات
وراك الهظم شيبنه
يخويه الحادي تعبنه
ظل يتماده ويسبنه
واحنه من التعب ميتات
گادونه اعله نوگ اعجاف اسره يدولبن بينه
ما خله التراب وجوه من گد ما ذره علينه
خويه من الهزل للگاع جم مره بدرب طحنه
ما ظل للجروح امجان حته الدنيا تجرحنه
~~~~~~
يحسين الطريج بعيد وجروح اليسر كلفات
.. والطاغي انفرد بمره
وطفالك گضت يحسين سطرنه الطريج گبور
.. من طف كربله القصره
الأمس يتستر بسدنه
بحبل جاتف سواعدنه
شتم ياخذنه ويردنه
ودم عيوني مبجاها
گضانه الهم يبو الأكبر
مشينه دروب ما تنطر
بحيث الخيل تتعثر
كثر ما صعب ممشاها
شالوا روسكم برماح جدام الضعن يمشن
شما يجزينه حادي النوگ فوگ الرمح يهتزن
نمسي ويه العده اعله الخوف والشامت يصبحنه
ما ظل للجروح امجان حته الدنيا تجرحنه
~~~~~~
رافگنه الجزاها اللوم والما تندل المگعاد
.. والتاريخها يفشل
گادونه بمهازل نوگ نزعوا كل هوادجها
.. وخذونه عيونه توشل
رحنه العطش كاتلنه
وسلبوا كل محاملنه
غرب والناس موش النه
ولا حفظوا نسب جدنه
نهار وليل ممشانه
وراسك ساير ويانه
اعله رمحه وعينه ذبلانه
نموت اعله الهزل ردنه
الحادي يريد يمشي بساع ما يمشي اعله ممشانه
واليعثر يگومه بسوط من گد ما قسه ويانه
خويه وعالهزل يحسين بدروب اليسر رحنه
ما ظل للجروح امجان حته الدنيا تجرحنه
~~~~
طبينه الضواحي الشام شفنه الشام عدهم عيد
.. واحنه ولا عظم سالم
فوگ الهزل مجتوفين من فوگ السطوح احجار
.. گامت تگطف الوادم
شحجيلك هذاك اليوم
من جارت علينه الگوم
كل ظنهم سبايه الروم
واحنه الوحي اليخدمنه
باجر يا جرح يلتام
طبينه ولگينه الشام
دگوا بالفرح دمام
والوادم تشتمنه
مرونه اعله درب السوگ والوادم تصد لينه
وراسك يلتفت يحسين من يسمع بواجينه
ولو صحنه اعله حادي النوگ ما ينسمع صايحنه
ما ظل للجروح امجان حته الدنيا تجرحنه
~~~~~~
ذلينه القصر يحسين وهتزت رجال الشام
.. هيبة حيدر ويانه
خلينه بگصصهم عار والمجلس صبح محتار
.. محد يندل السانه
وصلنه المجلس ابختك
بحيطان القصر شفتك
ميت بس حميت اختك
عدل ميت تحامينه
دخلنه قصورهم اسره
حره اتگاود بحره
الأمان براسك شكبره
يا ويله اليمر بينه
شافوا هيبتك يحسين وهتزت مجالسهم
فاضحهم رجيف الخوف طاحت كل محابسهم
هزينه القصر والشام ما هزت جوارحنه
ما ظل للجروح امجان حته الدنيا تجرحنه
رد مع اقتباس
المشاركة الأصلية كتبت بواسطة ســـــجـــــودي ﹩ʝ☹
