سلامي سلامي امانه توصله يزاير كربله
بدموع الحزن ابعث رساله
گلب ولهان اسولف من خلاله
تمنيت المشي وي الثگاله
حلم يحسين ونريد الحقيقه
ترف راياتنه ونمشي بطريقه
الشعب مضياف للدوله الشقيقه
المواكب كلها صاحت يا هلا وميت هلا
والملايين التزور بكل فئات امدلله
هيامي ... هيامي ... هيامي
امانه توصله يزاير كربله
♡♡♡
بعيد وروحي طافت عالمناره
ومثل زينب دمع عيني يتجاره
يهنياله اليشارك بالزياره
بعيد وعايشه بروحي الاماني
وحسين بكل تفاصيله احتواني
منو اليتحمل ابصير ابمكاني
من اشوف الناس كلها اتوجهت لارض العشگ
واني مو وياهم اشعر خيمه بالطف احترگ
شعوري ... شعوري ... شعوري
امانه توصله يزاير كربله
♡♡♡
صرت يحسين للناس الوسيله
منو الغيرك نحبه ونشتكيله
حرگت اگلوبنه مثل العليله
العاشگ ما تبرد گلبه صوره
يريد يشوف محبوبه ويزوره
يسولفله ويعبر عن شعوره
اني من اوگف اگبالك انسى كل هذا الحچي
تختلف نبضات گلبي والتهي بس بالبچي
غرامي ... غرامي ... غرامي
امانه توصله يزاير كربله
♡♡♡
غريب وبالحزن ينبض دليلي
بچيت وطاحت ادموعي بشليلي
طلب من يزايز تندعيلي
امانه اعليك من توصل لبابه
وتمر بشعور الاستجابه
تزور حسين عني بالنيابه
گله يتمنه يزورك لكن تمنعه الضروف
واليشوف حسين فعلاً غيره ما يهوى ويشوف
جنوني ... جنوني ... جنوني
امانه توصله يزاير كربله
♡♡♡
شسولف يا حسين وحزني ديره
وشكتب لو گلت كلمه الاخيره
روحي بحضرتك صارت اسيره
من اديار البعيده ابعث سلامي
لخدام الحسين وجفني دامي
العراقيين شكراً في ختامي
حسين يعرفكم اكيد هناك صارت گبته
بلد نهرين وحضاره وبلد ثالث سفرته
ختامي ... ختامي ... ختامي
امانه توصله يزاير كربله
♡♡♡
أداء: خضر عباس
كلمات : حيدر الخفاجي
رد مع اقتباس
