آراء حول أسرار طبخ الباجة العراقية
السلام عليكم اخواني و اخواتي
انه مبتدئ في طبخ الباجة وكلش كلش أحبها بس صعب أضبطها نفس الشيفات لأن هي ألها أهل و ناسها يعرفون بيها
حتىٰ انه ملاحظ انو كل مطعم عنده الباجة خاصة بي شكل يختلف وطعم ايضاً يختلف و حتىٰ عوائل يطبخوها بشكل
جداً جميل و لذيذ ياريت لو أحد يكدر يعلمنا شنو السر؟ و شنو الطريقة الي تستعملوها بالطبخ
و أيضاً اذا أحد عنده نصائح وخبرة لايبخل علينا
مع تحياتي المعطرة للجميع
صباح الانوار...والمسرات..
الباجه عشقي...لكن لا اعرف عن أسرار طبخها..لكن من خلال مشاهدتي لمن يطبخها ..من البيت أو من المطاعم اقول
١..اهم شي النظافة وإزالة الشعر عنها تماما ..بالماء الحار ..ثم التشلهب بالنار
٢..أن ماتكون راس الذبيحة جبيره كلش ماتستوي وموطيبة.
٣..تجنب وجود ديدان بيضاء ..وايدستبعادها لأن هذه الديدان بمعظم الذبائح برؤوس المواشي
٤..يستحسن بعد تنظيفها ووضعها على النار ..تترك تنضج بالتهدير بعد أن تقرب تستوي
٥..لاتنسى البهارات والبصل والنومي والملح..بجدر السلگ .ضروريات وجودهن.
٦..يستحسن طبخها بقدر الضغط الكاتم ..اختصارا للوقت والغاز.
تحياتي
المشاركة الأصلية كتبت بواسطة المستشار القانوني
شكراً لمرورك الجميل و معلوماتك الجيدة جداً المستشار القانوني
يارب يحفظك ويرزقك ان شاء الله
تحياتي لشخصك المحترم
احجيلك طريقتي وكيف كنت اطبخها في زمان ومكان .؟
ماتصدك اذا كتلك وين طبختها .اكثر من مرة .؟
................
انا اصلخها ولااعتمد على التهليس والنتف والحرق بعد صلخها
اطبرها نصفين .
انظفها من الدم جيدا
اضعها في قدر مليئ ماء استخدم اول فوران للماء ارفع القدر من النار
وارمي الماء بالمجرى .
انظف القدر من جديد واضعه على النار واضع الرأس المطبور نصفين
ارش بهارات للنكهة كنت اخلط الثوم والبصل معا . بعد فترة سمعت من شخص بأن الثوم والبصل
اذا خلطتهن بقدر واحد بطبخة معينة يشكل صداع فلاتخلط .
المهم
لما اضع الراس واسكب الماء من جديد بالقدر ارش بهارات واملئها بصل واتركها ع النار الى ان تستوي بالشكل المرضي
وابسمل وما اتوقف واقول الحمد الى الله الا ينتهي كل شيء واحتار بالعظام
سهلة الشغلة .
عاشت الأيادي حبيبي صقر عراقي ولله طريقه حلوة و معلومة جميله جداً من حضرتك
بخصوص البصل و الثوم و ياريت فضلاً وليس أمراً شنو نوع البهارات اللي اخليها
بيها بحيث الطعم يصير عندي مميز
وشكراً لمرورك الطيب
الصراحةعاشت الأيادي حبيبي صقر عراقي ولله طريقه حلوة و معلومة جميله جداً من حضرتك
بخصوص البصل و الثوم و ياريت فضلاً وليس أمراً شنو نوع البهارات اللي اخليها
بيها بحيث الطعم يصير عندي مميز
وشكراً لمرورك الطيب
هاي ماعندي خبره بيها
بس انا اتجنب الحار يخرب طعمها
واذكر دائما استخدم الكاري
.............
البوسنين شفتهم اشلون يطبخونها يخلون روبه ضخينه عليها اثناء الطبخ
همين خوش فكرة
بس انه انصح بالروبة ويه الدجاج كلش طيبه تخلي الدجاج ياخذ اي تتبيلة
وشكراً لحضرتك الكريم صقر العراقي
ابوتراب خلي اعجاب حتى ارد عليك ابسرعة
.............
اعتقد الباجة خطأ واحد يتريك بيها . ثقيلة وتشعر بعسر الهظم
جربتها مع اهواية اصدقاء
والباجة
افضل شيء تاكلها بأشتياق ومشتهى يعني كل اسبوع اوكل شهر مرة وجرب كم تشعر بلذتها
تسوى كباب البلد كلّه
تدري ناسيها صار اكثر من خمس اشهر ماماكلها
باجر اذا عندي مجال اكلها ان شاءالله وحصتك العافية
يكلك سوزان احسن طباخة مال باجة
رد مع اقتباس
