هنا

[NAZ‌]

باسم الكربلائي
قصيدة : يبو فاضل عقيلتكم
للشاعر : حسين مردان البديري
: ليالي محرم الحرام
: ليلة 19 محرم 1446 هـ
: ديوان انصار الحسين (ع) البصرة - الجنينة
طور: شوط كربلائي


يبُو فاضِل عَقيلَتكُمْ
أميرَه اوْ بيها لا تِهتَمْ
وأنه بِتْ حيدَر الكرّار
اليجِيْ يمْ ناگِتِيْ يِندَمْ

على اعيونَك سواد الليل
خيّم عالوَجِه غيمَه
ولاكِن إنتَه ذاك انتَه
فخُور ابگلبَك اوْ ضيمَه
بَلاء اوْ أهلًا احنه انگُول
الگلُب بالكَسره تعظيمه
الحمِد لله على القَتْلَه
الوِگع هِنيالك اِنگلّه
حشَه وتوصَل إلي الذلّه
أنه ثورة أبو الأحرار
مِنّي الحَچيْ اوْ مَنّه الدَّمْ

قِريت ابوَجهَك اشگد نوح
يخويه لا تِهِم بيّه
السّبي وضيم الهزِل والناس
اعتُبرها صَفحه مطويّه
أنَه زينَب واظل زينَب
وإنْ گالولي مَسبِيّه
اشقدّم هالحچي اشأخّر ؟
بعدني والدِي حيدَر
وبعدني عالقصُر أگدَر
أزلزِلهم إذا طَبّيت
يِسكّتني الشِمِر يِحلَمْ

علىٰ هاي الأرُض معلُوم
خسرنه اْغله أهالِينه
او ربنا عالخَساره هاي
كلشي راح ينطينه
خسرنه اجساد والأرواح
سَليْمَه اوْ كِلشي مابينه
الحَمِد ل الله ابْفخَر صِحنَه
صعُب چم طاغِي يِجرَحنه
ابجِثَثْ عالغَبرَه صَبَّحنَه
اوْ مَسّينَه ابرِماح اوْ رُوس
وگلبِي للقَضه سَلّمْ

انحُرمنا امن العذِب أيّام
اوْ نَعَم نار العطش صلفَه
بس ظَلّينه رفعة راس
وصبُرنا محّد ايوصفَه
احنه ابناء ابو الكلفات
الرَد قُرص الشمِس چفّه
علي اوْ نِعمِ الإسِمْ إسمَه
والمَحّد ثِبَتْ يَمّه
اوْ إليّه مِنتِقِل عَزمَه
حاشَه راسي ما يِنزِل
سَهلَه وإنْ زادِ الهَمْ

يبو فاضِل نِسيت النوم
صعبَه النومه عالمَحمَلْ
اوْ يتعِّبني السفر معلوم
لاكِنْ حاشَه ما أنذَلْ
راسَك يمّي كل لحظه
أشُوفه وارجَع اتحمّلْ
محّد يگدر ايذِلني
كفيلي اوْ تُبقَه كافِلنيْ
راسَك ظِلْ يِظَللنِيْ
واحِسَّكْ تِحچي وي گلبي
تِگلّه : اعلَه العدو اتْقدَّمْ

أرِيدك لُو وِصَلنه ايزِيد
تِشاهِد عينَك المنظَر
منو الّي يصبَح ابذِلّه
ومنو الّي ابزودَه يتبَختَر
والناسي مِنو زينبَ
راح اليُوم يتذكّر
عَزيزه وحاشَه منكَسره
على السابيني مِنتَصره
ارتِفَع صوتي اوْ نِزَل قَدره
ابقَصُرهُم صوتي مِثل السِّيف
منّه الطاغِي ما يِسلَمْ

هالله هالله حسين وينه بالسيوف مكطعينه

حاضره الزهره الزجيه وبالسبي مجلس قرينه
اجه يمنه من المدينة يصرخ بحسرة نبينه
بالنجف حيدر ينادي حسين ليش موذرينه
والحسن عايف بقيعه مو دمع دم تبچي عينه
زينب تعاين لخوها تصيح يا خويه انسبينه

ابوذيات : يرد كون ، ينفاك ، علمها


حسين المن بحر جودك .. يرد كون
ذبيح على النهر ضامي .. يرد كون
كون ترد عدل والطف .. يرد كون
عقل عابس عليك تشوف بيه

عالي وما نزل لعداك .. ينفاك
جم عاقل بعاقل راح .. ينفاك
قفل گلبي فلا يحسين .. ينفك
ولا مفتاح غيرك رهم بيّه

العماها الحقد بالمحشر .. عملها
ومثل ما عاملت شخصك .. عملها
أمية ما عمل كافر .. عملها
ولا ذرة شرف عد آل أمية

[ســـــجـــــودي ﹩ʝ☹]

شكرا نور

[NAZ‌]

نورت