هنا

[ღ عِشق ღ]

عله نار عله نار .. احسب آهات والشمات تنظر حالي
عله نار عله نار .. ودموعي اتصيح من اتطيح وين الوالي

سـهر حـذر .. مشـوا دهـر
طـِحت صِحـت .. ولا خبــر


-

شنهي حياته الما يشوف احبابه
مثل الوگع جنحه ويضيع ابغابه
اسأل دربكم والسكوت اجوابه
ليش الخذا دهري بعد ما جابه

يجي ليل يجي ليل .. وحشه ابلا صوت .. صفنة موت .. تاخذ روحي
يجي ليل يجي ليل .. چن گطعت روس .. خيل اتدوس .. فوگ جروحي


صعب رعب .. يجي خطر
طحت صحت .. ولا خبر


-


انه العليله والبعد ياذيني
شبه الاسيره بغربتي مخليني
ضايع دواي ووجهك يداويني
وين انتَ وچفوف الهجر تلويني

علي وين علي وين .. لا دگت باب .. والغياب .. ترجع يمته
علي وين علي وين .. ذابحني فراگ .. والمشتاگ .. يرجع لاخته

يضي يخي .. متت قهر
طحت صحت .. ولا خبر


-


وين انتَ مو طاح الجفن يم بابك
حتى الهوى چن مو هوى بغيابك
مخنوگه خلف الله اعله عطر اثيابك
اشتمهن وارجع اعيش مصابك

منو جاي منو جاي .. اسأل ياناس .. والانفاس .. تحرگ دمي
منو جاي منو جاي .. ضيعةّ وليان .. لا أخوان .. لا رد عمي


يَـ عم ألم .. كسر ظهر
طحت صحت .. ولا خبر


-


چن صورة بخيالي تمر يا ويلـي
صورة مهد خالي وطفل يوميلي
صورة رقية اعله الهزل تدعيلي
اشكي بخيالي وچن عمتي تشكيلي

اكو ماي اكو ماي .. اسمعها اهواي .. واني بهاي .. عشت الحسره
اكو ماي اكو ماي .. يعني الرواي .. يم الماي .. گطعوا نحره


ظِمّه دِمّه .. گطع نحر
طحت صحت .. ولا خبر


-


گالوا رجعتوا وركضت مذهوله
معلوله روحي وركضتي معلوله
باوعت الوجوه وصحت مو ذوله
محد عرفته من هلي معقوله

شنو صار شنو صار .. شو بس نسوان .. والاحزان .. شيوصفها
شنو صار شنو صار .. چن زينب هاي .. تحچي وياي .. ما اعرفها

يسـر ذُعـر .. ترك أثر
طحت صحت .. ولا خبر


-


منهي انتِ چنچ عمتي المهيوبه
گالت انه زينب لچن مصيوبه
أم الخدر بس ارجعت مسلوبه
ياعمه من ضيم اليسر متعوبه

عجباه عجباه .. بنت الكرار .. بيد أشرار .. تمشي ايسيره
عجباه عجباه .. ميت عطشان .. عالتربان .. راعي الغيره

وكـت شِـفت .. ذَبـح گُـمر
طحت صحت .. ولا خبر


-

كلمات الشاعر الكبير | السيد عبد الخالق المـحنة
تدوين | zahra.

-

تحميل//إستماع
MP3

[ســـــجـــــودي ﹩ʝ☹]

تسلمين

[ღ عِشق ღ]

تسلمين

ربي يسلمك سجاد ياهلا








..