يـا هلا بجبر الخواطر .. يا هلا
يا هلا بعشگ المنابر .. يا هلا
يشهد اللّٰه أنت واحد
بالگلب مالك شريك
لو حچوا يمي بغيرك
روحي تزعل واحچي بيك
من طباگ ضلوعي يطلع
گلبي گوه يمشي ليك
يشهد الله عليه ... مثلك ماكو بالدنيا
عشگ الناس حلال وعشگك وعشگ باين عليه
كربلا وطن الحياره .. كربلا
يا هلا بعشگ المنابر .. يا هلا
✮✮✮✮✮✮✮✮✮✮✮✮
من صرت عايشلك انه
وعايش بحبك امين
انت معشوگي واحبك
شحله من حب الفقير
أين ما وليت وجهي
انت بس و الله الجبير
يرتد علية الشوف
حسيراً خائساً و رمد
مغيرك نور فجر عاشور
ليالي يعاند ويمتد
كلي الك .. شوگ ومشاعر كلي الك
يا هلا بعشگ المنابر .. يا هلا
✮✮✮✮✮✮✮✮✮✮✮✮
انه ما الومه اليحبك
الله سواك وهواك
حتى احب كلمن يحبك
لأن اعرفه بمشتهاك
المسيحي الما اجه لله
كربلا تعنى واجاك
احمد نبي الله عليه اختلفوا محمد
عليك اديان جفت قرآن يبو السجاد تتوحد
من هلا .. يا هلا بعشگ المنابر .. يا هلا
✮✮✮✮✮✮✮✮✮✮✮✮
بيني ما بينك سوالف
من اسولفها على ماي
يعطش الماي الحرارة
شوگي ليك ومستحاي
ضامي بس ساگي العواله
ياندى الكون ونداي
ابرد اذا شفتك فد يوم
خليه بجسمي ما تهتم
محرم نار أشب عليك
اطيحن ويه المخيم
بسمله .. بالساني اسمك بسمله
يا هلا بعشگ المنابر .. يا هلا
الشاعر.. علاء ناصر الزيادي
رد مع اقتباس
