هنا

[NAZ‌]

باسم الكربلائي
قصيدة : تبجي الراية
للشاعر : كرار حيدر الخفاجي
: ليالي محرم الحرام
: ليلة 18 محرم 1446 هـ
: ديوان انصار الحسين (ع) البصرة - الجنينة


تِبْچِي الرَّايَه فوگ اِچْفُوفْ رَاعِيهَا
وِگعْ شَيَّالْهَا الخَاضِ الحَرُبْ بِيهَا

صَحِيحِ الرَّايَه قِطْعَه اِقْمَاشْ تِتْسَمَّه
بَسْ هِيَّه اِعْلَه چَفْ عَبَّاسْ مِتْعَلْمَه
طَاحَتْ عَالتُّرَابِ اِوْ ظَلَّتِ اِتْحَشْمَه
عُگُبْ عَبَّاسْ مَـا صَحْ چَـفْ يِعَلِّيهَا

تِتْنَخَّه اِبْـذِخُرْهَا اِوْ مَا يِگُومِ اِلْهَا
الچَانَتْ تِفْتِخِرْ مِنْ چَانْ شَايلْهَا
وِرَثْهَا مِـنْ عَلِيْ اِوْ مَا يومْ نَزَّلْهَا
نِطَه الچَفّينْ بَسْ مَا قِبَلْ يِنْطِيهَا

وِگـعْ وِ الـرَّايَـه ظَلَّتْ تِنْتِحِبْ يَـمَّـه
وِ اِتْطِيحِ اِعْلَه وَجْهَه اِوْ تِمْسَحِ اِبْدَمَّه
تِشُوفِ اِعْلَه الشِّرِيعَه الخيلْ مِلْتَمَّه
وِ العَامُودْ طَـاحِ اِبْـرَاسْ وَالِـيْـهَـا

تِصِيحِ الـرَّايَـه هَـا يَاصَاحِبِ الـرَّايَـه
هِدْنِي اِمْنِ اِيدَك اِوْ ظَلْ صَاحِبِ اِحْچَايَه
لـوْ يِوْصَلِ الـزّينَبْ جُـودَكِ اِوْ مَايَه
لـوْ نِوْگعْ سِـوَه اِوْ مَـا نِعْتِنِيْ ليهَا

يَعَبَّاسِ اِبْذَلِتْ عَالشَّاطِيْ مَجْهُودَكْ
اِوْ لَجْلِ اِعْيُونْ زينَبْ طَاحَنِ اِزْنُودَكْ
تِجُودِ اِبْـنَفْسَكِ اِوْ مَا طَيَّحِتْ جُودَكْ
تِگُولِ : اِسْكينَه بَلْكِتْ أگـدَر ارْوِيهَا

بَـيَّـنْ يَابُوْ فَاضِلْ قَـدْرَكِ اِشْكُبْرَه
مِنِّ اِعْليك اَبُوْ اليِمَّه اِنْكِسَرْ ظَهْرَه
اِوْ زينَبْ بِالمُخَيَّمْ شِبْچَتِ العَشْرَه
عُرْفَتْ طَاحْ فَيْهَا الچَانْ حَامِيهَا

وَفِيْ اِوْ مَا عِفِتْ زينَبْ مِنْ بَعَدْ ذَبْحَكْ
وَ ايَّـامِ السَّبِيْ يَابُوْ الوِفَه اِتْجِرْحَكْ
تِحْرِسْ زينَب اِوْ رَاسَكْ عَلَى رُمْحَكْ
طُـولِ الـدَّرُبْ مِثْلِ الظِّلْ تِمَاشِيهَا

[ســـــجـــــودي ﹩ʝ☹]

عاشت ايدج نور

[NAZ‌]

نورت