باسم الكربلائي
قصيدة : ابنظر يربي
للشاعر : سيد سعيد الصافي الرميثي
:ليلة 5 صفر 1431
: حسينية الرسول الاعظم ص الكربلائية - الكويت

بنظر يربي .. اگطعت دربي
اعت گلبي ويعت بيه

انا وگلبي تنازعنه على المحنه ردت صبره
يگلي صبري يا زينب نار وبيه متوجره
طبع الخاطره مكسور يا صبر الذي يجبره
احاول انسى يا گلبي تعيد الماضي وتذكره
شيصبرني .. و تمرمرني
وتذكرني شجرى عليه

يگلي الـ بالحزن مثلج گلبها محد ايلومه
شحال الـ بالسبي راحت ومروها على الحومه
ويا هي الشافت اخوتها ضحايا على الثره نومه
هذا مگطعه چفوفه وهذاكَ مسلبه هدومه
لون صحتي .. بألم نحتي
غريبه ورحتي مسبيه

گلبي الهيج احزاني وعاشرت البجي والنوح
مشيت وناظري يا ناس على صوب النهر مشبوح
اظل يمه لون بيدي ومكسورة گلب ما اروح
رحت بس جسد عالناگه ومن كربله كلي جروح
ارحلوا عني .. كثر وني
شيرجعهم بعد ليه

مشيت ابنظر يتلفت مثل العايشه بظنه
ما اصدگ عفت عباس ومسبيه رحت عنه
خفت ما يقبل اعليه لون للنهر اتعنه
اشم اجفوف ابو الغيره واقبله واعتذر منه
الاخو عفته .. ولا شفته
وجنت بجاله محميه

اون ونة دفن كلفه ويجرح ناظري المدمع
واليحدي الظعن شامت الوني ما ردت يسمع
ومن ضرب السياط اطفال تتصارخ وتتلوع
خفت لا تعثر الناگه ومن عدها طفل يوگع
واناديهم .. بأساميهم
وعنهم عيني اربيه

اليجرح خاطري كلساع ويهيج عندي آلامي
شوفي شما اشيله يلوح راس حسين جدامي
شفاه الذابله تگلي اندفن چبد الاخو ضامي
وعيونه طلب عدها يزينب سكتي ايتامي
البجي يسمعه .. ويهل دمعه
على اطفاله بواچيه