هنا

[فــــاطـــمــة]

صايره أشرَب چاي أكثر من المدخنين

[فــــاطـــمــة]

صايره أشرَب چاي أكثر من المدخنين

على طَاري الچاي أكو فَد موقف صار وياي

قَبل كم سَنه مَره أمي طالعه وعود خلَت البيت بأمانتي
وكِل شويه توصي تقريباً طلعت بـ 3 هيچ أتذكر
واني خليت القوري على النار الي ورحت أتابع مُسلسل تركي وإندمجت وياه .... ونسيت القوري فَد مره ولا دخلت للمطبخ لحد الساعة بـ 6 المُهم أخويه گعد من نومته فگال شنو هاي الريحه مال حرگ گلت عزززززه الچاي وركضتله وتزحلگت زحلوگه كارثيه بحَيث إيدي ماحسيت بيها بعد
وبلحظتها أمي دخلت لگتني اني أبچي من جهه والبيت بيه ريحه حرگ من جهه ثانيه
إحتارت شتحچي وشتسوي

القوري مفَحم وإيدي إنگلبت زرگه ومعَ ذلك أكلت نَصيبي من الرزايل الجميله

[فــــاطـــمــة]

الشَغله اللي چنت خايفه أخسَرها اني اللي إستغنيت عنها....

[فــــاطـــمــة]

بكِل إنسان عنده إسلوب سيء أو طَريقه مو لَطيفه أو قساوه أو أي شيء مو هو الطَبيعي للإنسان الطَبيعي دائماً يجي إبالي سؤال واحد واللي هو شنو الشيء اللي مَر بيه وخلاه يصير هيچ؟
لأن مُستحيل أحد ينولِد وهو هيچ بَس مَرات التجارب تكون قاسيه بشكِل مايتحمله الگلب ورأساً تخلي الإنسان يتغير 180 درجه ويصير هو مو هو

فَجديات أكثر شيء أحافظ عليه بكلشي أمر بيه هو گلبي أحافظ عليه بدرجه كلش چبيره انو مايصير قاسي ..... مايصير أناني .... مايبقى يحس المَواقف المو عاديه عاديه .... مايبقى يشوف الألم والمُعاناة شيء عادي
دائماً أبقى ضامته وهيچ أخاف عليه كِلش هواي أن يبقى أبيض صافي نَقي ماتشوهه التجارب والمواقف وحَرفياً هذا إنتصاري الأعظم انو گلبي بعده هو

[فــــاطـــمــة]

أطيَب شيء

[فــــاطـــمــة]

اني لو أگدر أوزع حُب وأجبر خاطر الكون كِله ما راح أتأخر بهذا الشيء ..

[فــــاطـــمــة]

أتمنى أعيش بالحقبه الزَمنيه القَديمه.....
أحب فِكرة كل شيء چان حَقيقي عدهُم ... الحُب ... الشِكل ... المَشاعِر ... التَواصِل ...
أتمنى أعيش وياهم وأخابر بتليفونهُم وألبس مثلهُم وأتواصل بالرَسائِل الورقيه وأعيش بهاي الأجواء اللي أحسها حيل دافيه

(وطبعاً هذا المُسلسل كلش حبيته)

[فــــاطـــمــة]

أتمنى أعيش بالحقبه الزَمنيه القَديمه.....
أحب فِكرة كل شيء چان حَقيقي عدهُم ... الحُب ... الشِكل ... المَشاعِر ... التَواصِل ...
أتمنى أعيش وياهم وأخابر بتليفونهُم وألبس مثلهُم وأتواصل بالرَسائِل الورقيه وأعيش بهاي الأجواء اللي أحسها حيل دافيه

(وطبعاً هذا المُسلسل كلش حبيته)

أحس چان أكو وقت عدهُم يفهمون مشاعرهُم ويحاورون نفسهُم ...
زَمن خالي مِن المشتتات وهالسِرعه الزَمنيه وهالكَم الهائل مِن الناس اللي مو فاهمَه مشاعِرها …

[فــــاطـــمــة]

أحس چان أكو وقت عدهُم يفهمون مشاعرهُم ويحاورون نفسهُم ...
زَمن خالي مِن المشتتات وهالسِرعه الزَمنيه وهالكَم الهائل مِن الناس اللي مو فاهمَه مشاعِرها …

أحبه لأن أحس كِل شيء بيه چان حَقيقي

[فــــاطـــمــة]

الظهر چنت مو بالمود فقررت أسوي گهوه وأتابعلي فلم ....قبل ساعتين تقريباً هَم رجعت مو بالمود فقررت أرسم...

فلحظة إدراك حالياً :
لو إستسلمت لضوجتي الظهر چان نمت...
ولو إستسلمت لضوجتي قَبل شويه چان بقيت على التيك توك ...

فَحسيت الموضوع بداخلنا إنت شلون راح تستغِل شعورك إن كان كلك حَماس أو إن كنتَ مُنطفأ ....