المشاركة الأصلية كتبت بواسطة أمير البصره
ربي يحفظك أخي الكريم أسعدني تواجدك أنرت
ربي يحفظك أخي الكريم أسعدني تواجدك أنرت
عزيزتي إمتنان كبير إلج
إبالي فد سؤال حلو يخلينه نفكر …
اليوم 7/29 يعني تقريباً راح يمر سبعة أشهر من هالسنه وباقي گدامنه خمسة أشهر
شنو الشيء اللي تعلمنا خلال هالنص سنه المرت ؟
غيرنا شيء بنفسنا ؟
حققنا شيء من أهداف هاي السنه ؟
گدامنه بعد خمسة أشهر وتكمل هالسنه خلينه نحاول كل يوم لتكون أيام حلوه حتى لو مو مميزه المهم مريحه ونكون راضين وعارفين إحنه وين وشدنسوي....
ماأدري إلتفاته حلوه إجت إبالي حبيت أكتبها هنا اليه والكم ....
يوم عن يوم أكتشف انو الشهاده وحدها مو كافيه...
مو كافيه تجيب أخلاق....
مو كافيه تجيب تعامل....
مو كافيه تجيب أسلوب....
مو كافيه انو تجيب شخص سَوي نفسياً وفكرياً وثقافياً
ممكن أي راح تنطيك علميه
وخبره بإختصاصك
وتوفرلك شغل
وتكون ناجح وإسمك يلمع بمجالك
بس كــأخلاق وتعامل وي الناس بإنسانيه وضمير ما أتصور تنطيها 100%
تبقى مسؤولية تهذيب نفسك وتعليمها إجتهاد شخصي تُعتمد عليك وبإستمرار ما تنحصر بحدث أو مرحله معينه من الحياة... ولا تقتصر على مكان ودراسه
شنو فائدة شهادتك وسنين الدراسه والتعب وإنت ما عندك تعامل صحيح... وردات فعلك تخلي المقابل ينفر منك... ويشوفك بالعين الصغيرة!
لذلك يحتاج الشخص انو يهذب نفسه بإستمرار.....
أعود لطاولتي لا شيء معي إلا كلمات
جذبني جداً موضوع تجارة الأعضاء هذا اليوم وقرأتَ عنه البعض من الصفحات في مقال لا بأس به على الانترنت ....
مقالات هذه الأيام جيده في المواضيع ولكن ليس في السرد ..... على كلٍ ليس هذا موضوعي
لقد تعلمتُ من هذا المقال إنه من الممكن حتى إستبدال أجزاء العين مثل القرنيه أو العين بأكملها ان حصلنا على التطور الطبي الكافي في بلادنا ... وهذا ما جعلني أتسائل !!
هل بهذه السهوله تذهب العين بهذا القدر من الأموال
ماذا عن الذكريات الجميله التي شاهدتها
كأول مره ترى فيها حبيبتك بعد أن أصبحت فعلاً حبيبتك .... أول مره ترى فيها قوس قزح .... أول مره ترى فيها إبنك يمشي أمامك .... وغير هذا
ماذا إذا إمتلكت العين ذاكره خاصه بها ؟
هل سيتمكن الشخص الذي يحصل على عيوننا تحمل ما رأيناه من حزنٍ وآلآم ؟؟
هل سيتحمل رؤية لحظة الإفتراق بتلك الحبيبه ؟
هل سيتحمل لحظة فراق الأم وهي على فراش الموت؟
هل سيتحمل رؤية ما نراه كل يوم من حزن بلادنا الحبيبه؟
لا أعلم لطالما كانت الأسئلة التي أطرحها لا أملك الاجابه عليها ....
ولكن ما أعلمه حقاً إنني لن أبيع عيناي ....
فلا أستطيع أن أتحمل أن يرى أحد أحزاني والآمي لأنه لن يتحملها
ولستُ مستعده أن أتخلى عن شعور رؤية أول مره من أيُ شيء .....
يمكن إذا أجمع إستخدامي للتليفون طول الأيام الراحت ميعبر الساعتين بحيث چان أغلب الوقت طافي وممهتمه أشحنه
كلش سعيده بهالشيء چنت محتاجه أفصل عنه
أول البارحه چنه دنحچي اني وصديقاتي عن العلاقات العاطفيه وشلون نظرتنا للحب نستمدها من أهلنا أو من علاقه بقت إبالنا من الطفوله...
المهم اني دائماً أحس عندي عدم وضوح عن شكل الحب بعد الزواج وبديت أتعمق بهالموضوع وضهرت گبالي هواي علاقات زوجيه دتجاوبني عن هالأسئله اللي إبالي .. بس أحس أريد أشوف الحب اللي خلف الكواليس بالبيوت العادية شلون شكله...
فـالبارحه بالمستشفى وگف يمي رجال چبير وچان ديباوع على إيده وباوعلي وبإبتسامه گلي .. شوفي إيدي كلها صخام لأن چنت دا أشتغل بسياره وعفتها واجيت أجيب زوجتي للمستشفى صارلها 3 سنين نايمه بالفراش صار وياها حادث ومگامت تتحرك بعد وگمت اني الصبح أروح أشتغل سمكرة سيارات ومن أرجع أطبخ وأنظف لأن ماعدها غيري
اني إبتسمت وحسيت أي هذا الحب الأريد أشوفه... ومن شفتهم لا إرادياً تذكرت هالإقتباس وحسيته يشبهم
(أتمنى من أطفي شمعة الخمسين تكون إنتَ الشمعه اللي باقيه وياي منوره ومتنطفي)
إمتنان اليوم من نصيب كل الأشخاص اللي أحبهم بحياتي حتى إذا چانوا قليلين مُمتنه لكُل المحادثات الصغيره اللي تصنع يومي ... الضحكات اللي تدمع عيوني وراها ... النقاشات الممتعه بأي موضوع ... مُمتنه كلش لوجود هيچ أشخاص بحياتي (چوك سڤيورم
رد مع اقتباس
