هنا

[فـاطـمـه๑♡՞]

اني دائماً أوصف الحياة على إنها رحله بيها الحلو وبيها المُر بَس الأحلى مِن كل هذا مغامراتها...

مغامراتها هي اللي تعلمك إنت منو وشنو تگدر تسوي وشنو تگدر تضيف وشنو تحذف...

مغامراتها اللي تفهمك وتبينلك الناس أكثر منو مَرن ... منو عصَبي ... منو يريد بَس يوصل ... منو يريد يستَمتع وياخذ وقته وماعايش بصراع السباقات ووو

فَمو دائماً كلشي أوكِ ولا دائماً كلشي مو تمام بالأخير هي مو دگمه وندوسها ساعه نشَغل السعاده ساعه نطَفي الحزن مو هيچ
بَس طالما إنت عايش بتَسليم تام ومتقبل فَالأمور تمشي مُجرد ما تبدي تقاوم...

تقاوم الظروف ... الحياة ... الناس تقاوم كلشي
هنا يصير الوضع صَعب عليك وتحس ماكو شيء جاي يعبر ماكو شي سَلس

فَالسر كله بالتقبل والتَسليم

[فـاطـمـه๑♡՞]

بكل فتره ترافقني قصيده تشيل جزء مِن التعب اللي بداخلي وهاي القصيده هالفتره مساعدتني

+++

الناسُ على دينِ ملوكهم
وأنا مَملوك الحُسين
قَلبي وعَقلي للحُسين
ديني ودُنياي الحُسين

[فـاطـمـه๑♡՞]

چنت قَبل حاكمه على نَفسي بأنو اني لَطيفه وحبابه...
فَمرات مِن أختلف وي أخواني أو أمي وأغضب أسمع صوت براسي يگلي(إنتِ مو هيچ! شنو هالتناقض بين وصفچ لنَفسچ واللي دتسويه)...

چان شعور مُزعج وطولت يله فَهمت إنو (الإنسان مَجموعة مَشاعر)...

اني مو عباره عَن شعور واحد أو حاله وحده اني مَجموعة مَشاعر متركبه سوه ... مُمكن أغضب وأفرح وأبچي وأهدأ بنفس الساعه…
(وكل مَشاعري مَقبوله)....

[فـاطـمـه๑♡՞]

لا شوق أصدق مِن شوق الحي للمَيت...