هنا

[فــــاطـــمــة]

شگد عظيمه عطايا الرب

[فــــاطـــمــة]

هالصور بالهارت

[فــــاطـــمــة]

قبل شهر أدركت انو الحمد لله دعائي ما تحقق بذاك الوقت ... الحمد لله رب العالمين من سمع صوتي المكسور ودمعتي ما إستجابلي بوقتها ... الحمد لله انو خطتي اللي ألحيت بيها ما كملت ... والحمد لله تدبير رب العالمين چان موجود وفتح عيوني بهيچ فتره......بعد ما أخذت هالدرس وتعلمت منه ودخلت بلحظة إدراك انو يارب شنو ممكن چان يصير لو تحقق اللي دعيت بيه وگلبي متمسك بيه؟
شنو ممكن من مشاعر حزينه ومتعبه راح أعيشها؟
شنو التبعات اللي راح تصادفني وتاخذ من حيلي ووقتي لو صار اللي دعيت بيه طول ذيچ الفتره اللي إنتهت؟
الحمد لله انو أموري واللي أريده وكلشي بيد رب العالمين وأمانته ... الحمد لله كما هو أهله.... وشكراً إلك يا الله لأن وعيت وإتخذت هيج قرار وخليتلي بهذا الأمر معرقلات لحتى متصير

[صقر عراقي]

فاطمة رائعة
متابعين بشغف

[فــــاطـــمــة]

فاطمة رائعة
متابعين بشغف

حَياك الله استاذ مَمنونه لحضرتك الموقره

[فــــاطـــمــة]

سلمعليكم ... ورجعت بعد ما أخذت فاصل (ريست)

[فــــاطـــمــة]

إمجدي وبيبانه أطرق للوعَه بس هو يرزق … مذَبوح وبالرقه ينطق
سَواني إِنسان …

من المُستحيل اتخطى هالقصيده إدمان صارت وأكثر شيء هالأبيات مُستحيل أتخطاهن شگد عظيمه هالقصيده

[فــــاطـــمــة]

شگد إيييييي

[فــــاطـــمــة]

الحياة بيها أيام حلوه وبيها مره ولولا المروره مانحس بالحلاوه

[فــــاطـــمــة]

قَبل بالإبتدائيه چنت كلش أحب الرسم
وكل إسبوع أشتري كراس وألوان رغُم رسمي بَسيط بس چنت كلش أحبه وأفتخر بنفسي لأن مَحد ساعدني أو حاول يطور هالموهبه اللي إجتني من الله
المهم چان كل إهتمام الأهل الدراسه وبعدها على گولتهم خلصي وسوي اللي ترديه رُغم ماچنت أحب أقرأ بوقتها لمن يخلص اليوم وأضل أحتار شلون الحگ وشَسوي وشنو أجاوب بالإمتحان بس الحمد لله يعني ماچانت الدرجات تنزل للـ 80 خلصت مرحلة الإبتدائيه .....
ودَخلت للمتوسطه شفته عالم ثاني ... مرحلة الأول متوسط تركت الرسم وإتجهت للخطابه بإعتبار صوتي جوهري
وهَم ماكملت بيها مرحلة الأول متوسط طلعت منها... واني ماهَمني بس شلون أنجح بالعربي .... من الأول ولحد الآن عندي عُقده إسمها العربي ....
مرحلة الثاني أعتقد صادفت وي سنة 2014 ... هالسنه العجيبه رُغم مآسيها بس هدت هواااااي ناس منهم اني....
أتذكر بالزياره الأربعينيه چنه نمشي فإبن عمتي چان يحچي عن لواء أبا الفضل بسوريا والشُهداء والقاده من هاللواء وعرفت الشُهداء ...
چنت قاصره وللآن بمعلوماتي من رجعنه ضليت أبحث وأدور بالفيس واليوتيوب وعرفت هوااااي أشياء چنت غافلة عنها ..... بهالسنه بالذات عرفت شنو يعني شَهيد؟عرفت ليش ما يطولون بهالدنيا ..... الأحلام چانت إلها عالم خاص .... چنت أنتظر وقت النوم بس حتى أشوف شنو مضموملي هالمره من حلم يوعيني أكثر .... إكتشفت بوقت متأخر اني وين ....
مثل الكف الوعاني ورجعني شيء جديد بديت أرتب حَياتي على وفق منهج محدد الله يحبه
إلتزمت بصَلاتي وحجابي ....
وره فتره ما أعرف منين تجيني المَشاكل والإبتلاءات بكل يوم چنت أتعب نَفسياً وجَسدياً بسبب ناس تحب الأذيه لغيرها ... رُغم هذا گِدرت أتجاوز هالعُقبه والصعوبه بجهد أخذ نص حيلي ....
وعرفت إنو المؤمن مُبتلى ولأن بديت حياة ثانيه تحت ظلال الله چان لازم أخضع للتجربه حتى أعرف نفسي الحقيقيه هل فعلاً تغيرت أو لا مُجرد لقلقة لسان؟

سنة 2014 بمرها چانت شيء إيجابي للبعض بسبب الشُهداء ....
المهم إتجهت للكتابه وبديت أكتب إقتباسات قصيره وحِوارات لطيفه تحچي عن الواقع .....

خَلصت سنة الثاني متوسط بتوفيق وألطاف لحد الآن مامرت عليه سنه مثلها ....
وبدت سنة الثالث متوسط ورُغم صعوبتها تخطيتها.... من شفت عالم الإعداديه خفت

هواي صارت مشاكل وعوامل كرهتني بشيء إسمه مدرسه بس چنت أداوم لخاطر أكمل اللي وعدت نفسي بيه ما أحچي هالشيء حتى أگول شوفوني لا أبد .... بس لأن أحب الذِكريات تبقى وخاصةً هالفتره كلش صايره أنسه ويادوب تذكرت ذني.... وحتى أبين شي إنو كل مرحله بعمرنا إحنه بيها نقاتل علمود نفسنه والهدف فلا نخلي عوامل الشيطان تسيطر علينه وتتمكن منه وبالتالي تخلينه مُجرد حُطام ماحققنه شيء .... إحنه نگدر نسوي اللي نحبه بس من نؤمن بقدراتنه ونفسنه ومانستهين بالمَلكه اللي الله وهبها النه