هنا

[مِـيهہرَمــآهہ ♬✿]

حبييت..

[فــــاطـــمــة]

حبييت..

حَبيبتي أم حَمودي ..... نورتيني

[فــــاطـــمــة]

أجمع أعترافات.....
ما أعرف شنو فكرتها بَس نجَرب....

أعترف :
هوايه أشياء تغيرت نَظرتي عَنها.....
هالسَنه علمَتني وبنَفس الوقت خذَت مني.....
ظلمت نَفسي هواي.....
أضوج على أتفه سَبب.....
مرات هواي گلت ما تعدي بَس عَدت.....
گلت اي ولازم أگول لا.....
مقصره بحق أهلي.....
أقرأ كتاب وأعوفه على النص.....
ما أحب أحد يلح عليه بشيء.....
وقتي حالياً ديضيع مني.....
الصَمت رَفيقي في أكثر الأحيان.....
أحب الشغلات البَسيطه الهادئه.....
أكثر وحده تگول عادي مَصار شيء.....
درر العراق أكثر مَوقع عرفت بيه فَد ناس حلوه.....
هواي أعترافات راح وقتها.....

[فــــاطـــمــة]

أمي كل ما تشوفني أبتسم حَسبالها أحب

[فــــاطـــمــة]

أمي كل ما تشوفني أبتسم حَسبالها أحب

كل ما أسمع أغاني واني أضيف ملح زايد للمَوضوع أگوم أغني الأغنيه بمشاعر مال وحده بشهر العسل

[فــــاطـــمــة]

كل ما أسمع أغاني واني أضيف ملح زايد للمَوضوع أگوم أغني الأغنيه بمشاعر مال وحده بشهر العسل

هاي مره بالغرفه وحدي دا أقرأ بكتاب وفجه تذكرتلي مَوقف اني وصَديقاتي يفشل وضحكت على المَوقف وچان تدخل أمي تشوفني أضحك وحدي چان تگلي هااا شبيچ تضحكين شنو تحبين

[فــــاطـــمــة]

هاي مره بالغرفه وحدي دا أقرأ بكتاب وفجه تذكرتلي مَوقف اني وصَديقاتي يفشل وضحكت على المَوقف وچان تدخل أمي تشوفني أضحك وحدي چان تگلي هااا شبيچ تضحكين شنو تحبين

أدري يا يمه إحنه ما نضحك بس اليحب يضحك

راح أبطل أضحك

[فــــاطـــمــة]

لازم نتفق على إنو مُصطلح صوت المرأه عورَه مُصطلح خاطئ وما لازم يكون بهاي العباره المَفروض نگول الصَوت العالي عورَه حتى نگدر نطبق هاي المقوله بحكمه وعداله على الذكور والإناث
لازم كل إنسان سَواء ذكر أو أنثى يتكلم بهدوء مو بصوت عالي ومُزعج ويحترم المَكان المتواجد بيه.....

أتذكر مَره بمَكان ما شخص إتصلوا عليه وجاوب هاااا أبو فلان شلونَك بصوت عالي وسَخيف

لذلك إذا كان صَوت المرأه عورَه فصَوت الرجل العالي إزعاج جداً وغير لائق إله.....
لذا المَفروض على كل شخص يحترم صوته وما يعليه ويحترم المَكان وآداب الحِوار....

ونتذكر دائماً.....
الصَوت العالي عورَه

[فــــاطـــمــة]

أمي مِن النوع اللي ما تظهر عاطِفتها وحُبها بالكلام فَچانت أفعالها وتَصرفاتها تغنيني عن آلاف مِن كلمات الحُب بلحظات مُعينه .. بكل مره يصير وياي شيء وچنت أحبسه بداخلي وأخليه يتراكم بيه هي أول وحده تحس حتى لو چنت أمثل إني بخير وماكو شيء .. بفَترة السادس مِن عدت سنه لَحد هذا يومي چانت أكثر وحده تدعمني ... هي أكثر وحده ثبتت الأمل والإصرار بيه ... دُعائها إلي چان مثل الحضن الدافي اللي يجي لشخص منهك حتى مِن نفسه
شدت على إيدي بالخفاء وخلَتني أواصل وأستمر رُغم الإحباط اللي لازمني فتره ... علمتني الصبر الحقيقي ... علمتني اللي يخلي حَياته بيد الله ما راح تضيع ولا يختل بيها التوازن ... علمتني أشياء لا المَدارس ولا الكتب علمتها إلي ... أمي جداً عَظيمه وأتمنى أصير مثلها وأشبهها... فعلاً چنت أشوف عاطفة العالم كله متجسد بيها ومَحد يريد مصلحتي ويخاف عليه ويتحَملني بكل مَساوؤي وبدون مقابل مثل أمي ... بكل مره چنت أعاند وما أسمع حَچيها أتعض ... أمي دائماً صح ومَشاعرها صح ورأيها ورُؤيتها صح وحرصها وحدَسها للمَواقف صح ... وشگد مرات إنو ما أقتنع بكلامها بَس تلف الدنيا وأرجع أكتشف اني غلط وهي كالعاده صح

[فــــاطـــمــة]

منذُ ولدت وحرف الميم تراقص بفمي فيداعبني ويُؤانس قلبي في الظلم
فيشع النور بعيني
وأنطق أمي