سلام عليكم درر شلونكم
أول شيء اعرفكم عن نفسي....
اني فاطمه من العراق (الديوانيه) مواليدي 2001
.
.
.
2024/7/22
مبدئياً قررت أفتح هالمدونه لمن يجي وقتها وحسيت أنو اليوم هو الوقت المناسب للمدونه ..محتواها راح يكون ذكر رب العالمين وأهل البيت (عليهم السلام) وأكيد الأشياء اللي تعلمتها والكتب اللي قريتها خلال رحلتي وخلال السنوات اللي فاتت وكلشي تعلمته وأيضاً راح يكون ذكرياتي ومحاولاتي .... وشيء ثاني راح أنزل بيها كلام مو إلي
تحياتي لكم....
وعليكم السلام والرحمة
اهلا وسهلا
وافتتاح موفق
ومتابع
(الَّذِينَ آَمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلَا بِذِكْرِ اللَّهِ تَطْمَئِنُّ الْقُلُوبُ) [الرعد :28]
واسمحيلي بالمتابعة
تسلم + كل الهلا راح تنورنيالمشاركة الأصلية كتبت بواسطة ســـــجـــــودي ﹩ʝ☹
وعليكم السلام والرحمة
اهلا وسهلا
وافتتاح موفق
ومتابع
ياالله ... نورت أخي الكريم
حبيبتي اكيد راح تنورينيواسمحيلي بالمتابعة
أبو العتاهيه اختصر الدنيا في ستة أبيات
نأتي الى الدنيا ونحن سواسيه .. طفل الملوك كطفل الحاشيه
ونغادر الدنيا ونحن كما ترى .. متشابهون على قبور حافيه
أعمالنا تعلي وتخفض شأننا .. وحُسابنا بالحق يوم الغاشيه
حور ، وأنهار ، قصور عاليه .. وجهنم تصلى ونار حاميه
فأختر لنفسك ما تحب وتبتغي .. مادام يومك والليالي باقيه
وغداً مصيرك لا تراجع بعده .. إما جنان الخلد وإما الهاويه
عندي صديقه هي طالبة سادس البارحه راسلتها گتلها بشريني ناجحه لو لا گلتلي اي بس ضايجه لأن مطلعت معدل عالي أو المعدل اللي رايدته فضلت تبچي وساعتين اني اسكت بيها واقدملها نصايح من چنت بالسادس وعدت سنتين وواجهت صعوبات وضغوطات وووو
المهم نصيحتي لطلاب السادس اللي ماطلعوا معدلات اللي يردوها ..
كلشي يصير ويانه لسبب وحتى اللي ميصير أيضاً لسبب
لأن مرات المكان اللي نريد نمشيله مو هو المكان اللي راح يخلينه نكتشف شگد أحنه زينين بشغله معينه
ولا هو المكان اللي راح يعرفنه على ناس يخلون ذاكرتنه وذاكرة تلفوننا تنترس ضحكات ومغامرات ومواقف متنسي
ولا هو المكان اللي راح نوگف بيه وأحنه فخورين وشعور الأعجاب متملكنه ونگول(معقوله أني سويت كل هذا؟)
وحقيقة هاي مو مجرد طبطبه....
هذا درس تعلمته وره ممريت بهواي تجارب چانت خلالها مسيطرة عليه فكرت(أني ليش ديصيرلي هيج؟ليش مدا أحصل على اللي أريده؟)
بعدين شويه شويه گمت الاحظ أنو كلشي أخسره أكسب مكانه شغلات ثانيه أثمن منه
فالخساره هي مجرد وجهة نظر...
يمكن خسارتكم هي فرصة الكم حتى تحصلون على شي أحسن
حالياً مر أكثر من ثلاث سنين على تخرجي من السادس
وكلشي مدا أتذكر عنه غير كم شغله ويجوز أصلاً عقلي محور بيه
فأصلاً هذا كله راح ينسي وراح تلتهون بحياة ومغامرات وناس واستكشافات جديدة تنسيكم ابو السادس وداعتكم
اشوف هاي المدونة مثل الغيمة بالسما .
يحركها الريح وشوية شوية ثم تتصادم يطلع برق
ثم تمطر
المطر له جمهورين واحد عنده موعد لو شغله ثانية اكيد يتذمر ويتضايق من المطر
والثاني زارع ورد واشياء تحيى ع المطر راح يفرح ويحمد ويشكر
فاطمة
مدونتج مع عنوانها لها جمهورين انا من جمهور المزارعين وكتابتج مطر من غيم
بالتوفيق ويارب الاستمرار
رد مع اقتباس
